TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
संस्कृत सूची|शास्त्रः|ज्योतिष शास्त्रः|मानसागरी|तृतीयोऽध्यायः|
अध्याय ३ - भौमफलम्

मानसागरी - अध्याय ३ - भौमफलम्

सृष्टीचमत्काराची कारणे समजून घेण्याची जिज्ञासा तृप्त करण्यासाठी प्राचीन भारतातील बुद्धिमान ऋषीमुनी, महर्षींनी नानाविध शास्त्रे जगाला उपलब्ध करून दिली आहेत, त्यापैकीच एक ज्योतिषशास्त्र होय.

The horoscope is a stylized map of the planets including sun and moon over a specific location at a particular moment in time, in the sky.


भौमफलम्

क्षितिपतेः क्षित्तिमानधनागमैः सुवचसा महसा बहुसाहसैः ।

अवनिजः कुरुते सततं शुभं त्वजगतो जगतोऽभिमतं नरम् ॥१॥

गृहधनाल्पसुखं च रिपूदयं परगृहस्थितिमादिशते नृणाम् ।

अवनिजोऽरिरुजो वृषभस्थितः क्षितिसुतोतिसुतोद्भवपीडनम् ॥२॥

बहुकलाकलनाकुलजोत्कलिं प्रचलनप्रियतां च निजस्थलात् ।

ननु नृणां कुरुते मिथुनस्थितः कुतनयस्तनयप्रमुखात्सुखम् ॥३॥

परगृहस्थिरतामतिदीनतां विमतितां शमितां च रिपूदयम् ।

हिमकरालयगे किल मङ्गले प्रबलयाऽबलया कलहं व्रजेत् ॥४॥

अतितरां सुतदारसुतान्वितो हतरिपुर्विततोद्यमसाहसः ।

अवनिजे मृगराजगते पुमान् सुनयतानयताभियुतो भवेत् ॥५॥

स्वजनपूजनताजनताधिको यजनयाजनकर्मरतो भवेत् ।

क्षितिसुते सति कन्यकयान्विते त्ववनितो वनितात्सवतेः सुखी ॥६॥

बहुधनव्ययताङ्गविहीनतागतगुरुप्रियतापरितापितः ।

वणिजि भूमिसुते विकलः पुमानवनितावनितोद्भवदुःखभाक् ॥७॥

विषहुताशनशस्त्रभयान्वितः सुतसुतावनितादिमहत्सुखः ।

वसुमतीतसुभाजिसरीसृपे नृपरतः परतश्च जयं व्रजेत् ॥८॥

रथतुरङ्गमगौरवसंयुतः परमरातिजनैः कृतदुःखितः ।

भवति नाऽवनिजे धनुषि स्थिते सुवनितावनिता भवति प्रिया ॥९॥

रणपराक्रमतावनितासुखं निजजनप्रतिकूलभयाश्रितः ।

विभवता मनुजस्य धरात्मजे मकरगे करगे चरमो भवेत् ॥१०॥

विनयितारहितं सहितं रुजा निजजनप्रतिकूलमलं खलम् ।

प्रकुरुते मनुजं कलशश्रयः क्षितिसुतोऽतिसुतोद्भवदुःखितम् ॥११॥

व्यसनतां खलतामदयालुतां विकलतां चलतां च निजालयात् ।

क्षितिसुतस्तिमिना सुसमन्वितो विमतिना मतिनाशनमादिशेत् ॥१२॥

Translation - भाषांतर
N/A

References : N/A
Last Updated : 2009-03-25T22:49:08.7730000

Comments | अभिप्राय

Comments written here will be public after appropriate moderation.
Like us on Facebook to send us a private message.

शेवडी

  • स्त्री. ( गो . ) सुपारीच्या किंवा नारळाच्या झाडाचें नुकतेच फुटलेले चुडत . 
  • स्त्री. चर्म ; कातडी . - हंको . 
  • स्त्री. टोक ; अखेर . तो गांवाच्या शेवडीला राहतो . 
RANDOM WORD

Did you know?

Navchandi Paath explain why it should be done?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site