मेषोदये रक्ततनुर्मनुष्यः श्लेष्माधिकः क्रोधपरः कृतघ्नः ।
सुमन्दबुद्धिस्थिरतासमेतः पराजितः स्त्रीभृतकैः सदैव ॥१॥
वृषोदये जन्म यदा भवेच्च स्वचित्तरोगं स्वजनापमानम् ।
इष्टैर्वियोगं कलहं च दुःखं शस्त्राभिघातं च धनक्षयं च ॥२॥
तृतीयलग्ने पुरुषोऽतिगौरः स्त्रीरक्तचित्तो नृपपीडितश्च ।
दूतः प्रसन्नः प्रियवाग्विनीतः समूर्द्धजो गीतविचक्षणश्च ॥३॥
कर्कोदये गौरवपुर्मनुष्यो पित्ताधिको कल्पतरुः प्रगल्भः ।
जलावगाहानुरतोऽतिबुद्धिः शुचिः क्षमी धर्मरुचिः सुसेव्यः ॥४॥
सिंहोदये पाण्डुतनुर्मनुष्यः पित्तानिलाभ्यां परिपीडिताङ्गः ।
प्रियामिथोरम्यरसः सुतीक्ष्णः शूरः प्रगल्भः सुतरां चरंताम् ॥५॥
कन्याख्यलग्ने कफपित्तयुक्तो भवेन्मनुष्यः शुभकान्तभावनः ।
श्लेष्मप्रजः स्त्रीविजितो न भीरुर्मायाधिकः कायकदर्थिताङ्गः ॥६॥
तुले विलग्ने च भवेन्मनुष्यो श्लेष्मान्वितः सत्यपरः सदैव ।
पराप्रियः पार्थिवमानयुक्तः सुरार्चने तत्पर एव कल्पः ॥७॥
लग्नेऽष्टके कोपधरो जरावान्भवेन्मनुष्यो नृपपूजिताङ्गः ।
गुणान्वितः शास्त्रकथानुरक्तो प्रमर्दकः शत्रुगणस्य नित्यम् ॥८॥
धनोदये राजयुतो मनुष्यः कार्ये प्रवीणो द्विजदेवरक्तः ।
तुरङ्गयुक्तः सुत्दृदप्रयुक्तो तुरङ्गजङ्घश्च भवेत्सदैव ॥९॥
मृगोदये तोषरतः सुतीब्रो भीरुः सदा पापरतश्च मूर्तिः ।
श्लेष्मानिलाभ्यां परिपीडिताङ्गः सुदीर्घगात्रः परवञ्चकश्च ॥१०॥
घटोदये सुस्थिरतासमेतो वाताधिकस्तोयनिषेवणोक्तः ।
सुत्दृत्स्वगात्रः प्रमदास्वभीष्टः शिष्टानुरक्तो जनवल्लभश्च ॥११॥
मीनोदये तोयरतो मनुष्यो भवेद्विनीतः सुरतानुकूलः ।
सुपण्डितस्सूक्ष्मतनुः प्रचण्डः पित्ताधिकः कीर्तिसमन्वितश्च ॥१२॥