अल्पायुर्बलकलितः शूरो दाता जनप्रियः सुभगः ।
लाभपतौ लग्नगते तृष्णादोषान्मृतिं लभते ॥१॥
वित्तगते लाभपतावुत्पन्नमुगल्पभोजनोऽल्पायुः ।
अष्टकपाली रोगी क्रूरैः सौम्ये च धनकलितः ॥२॥
बन्धुश्रीपालनकः सुबान्धवो बन्धुवत्सलः सुभगः ।
लाभेशे सहजगते बन्धूनां रिपुकुलच्छेत्ता ॥३॥
तुर्यस्थे लाभेशे दीर्घायुः पितरि भक्तिभाग्भवति ।
समयैककर्मनिरतः स्वधर्मनिरतो लाभवान्मनुजः ॥४॥
लाभपतिः पुत्रगतः पितृपुत्रस्नेहलं मिथः कुरुते ।
तुल्यगुणं च परस्परं स्वल्पायुर्जायते पुरुषः ॥५॥
षष्ठगते लाभगतौ सुदीर्घरोगी सुवैरिकलितश्च ।
तस्करहस्तान्मृत्युः क्रूरे देशान्तरगतस्य ॥६॥
सप्तमगे लाभेशे तेजस्वी शीलसंपदः पदवी ।
दीर्घायुर्भवति नरस्तथैकदयितापतिर्नित्यम् ॥७॥
एकादशपेऽष्टमगेऽल्पायुर्भवति सुरोगी च ।
जीवन्मृत्युश्च दुःखी भवति नरः सौम्यगगनचरे ॥८॥
एकादशेशे सुकृतालयस्थे बहुश्रुतः शास्त्रविशारदश्च ।
धर्मप्रसिद्धो गुरुदेवभक्तः क्रूरे च बन्धुव्रतवर्जितश्च ॥९॥
मातारि भक्तः सुकृती पितरि द्वेषी सुदीर्घतरजीवी ।
धनवाञ्जननीपालननिरतो लाभाधिके खगते ॥१०॥
लाभाधिपो लाभगतः करोति दीर्घायुषं पुष्कलपुत्रपौत्रम् ।
सुकर्मकं रुपवरं सुशीलं जनप्रधानं विपुलं मनोज्ञम् ॥११॥
द्वादशगे लाभेशे उत्पन्नभुक् स्थिरो भवति रोगी ।
उत्पातरतो मानी दाता च सुखी सदा पुरुषः ॥१२॥