रत्नमालायाम् ऋतोरानयनविधिः ।
मृगादिराशिद्वयभानुभोगः षट्कं ऋतूनां शिशिरो वसन्तः ।
ग्रीष्मश्च वर्षाशरदश्च तद्वद्धेमन्तनामा कथितोऽत्र षष्ठः ॥१॥
ऋतुफलम् ।
रुपयौवनसंपन्नो दीर्घसूत्रो मदोत्कटः ।
साधुयुक्तः कामुकश्च शिशिरे जायते नरः ॥१॥
महोद्यमी मनस्वी च तेजस्वी बहुकार्यकृत् ।
नानादेशरसाभिज्ञो वसन्ते जायते नरः ॥२॥
बह्वारम्भो जितक्रोधो क्षुधालुः कामुको नरः ।
दीर्घः शठो बुद्धिमांश्च ग्रीष्मे जातः सदा शुचिः ॥३॥
गुणवान्भोगयुक्तश्च राजपूज्यो जितेन्द्रियः ।
कुशलोऽर्थानुवादी च वर्षाकाले भवेन्नरः ॥४॥
वाणिज्यकृषिवृत्तिश्च धनधान्यसमृद्धिमान् ।
तेजस्वी बहुमान्यश्च शरज्जातो भवेन्नरः ॥५॥
बहुव्याधिर्हीनतेजास्त्रासयुक्तो प्रणिष्ठुरः ।
हस्वपीनगलो भीरुर्हेमन्ते जायते नरः ॥६॥