TransLiteral Foundation

एकनाथी भागवत - श्लोक १४ वा

नाथमहाराजांचा हा प्रासादिक ग्रंथ परमपूज्य असल्याने यावर भक्तजनांची आदरबुद्धी आहे.


श्लोक १४ वा

ते वेषयित्वा स्त्रीवेषैः साम्बं जाम्बवतीसुतम् ।

एषा पृच्छति वो विप्रा अन्तर्वत्‍न्यसितेक्षणा ॥१४॥

पहिलेच श्रीमदें उद्धट । त्यावरी मांडिलें कपट ।

सांबास देऊनि स्त्रीनट । अतिवरिष्ठ बाणला ॥४७॥

तो श्यामसुंदर डोळसु । अंगा शोभला स्त्रीवेषु ।

प्रमदावैभवविलासु । दावी विन्यासु सलज्ज ॥४८॥

नयनीं सोगयाचें काजळ । व्यकंट कटाक्षु अतिचपल ।

सुंदर सुकुमार वेल्हाळ । चाले निश्चळ हंसगती ॥४९॥

वस्त्रें बांधोनियां उदर । नावेक केलें थोर ।

तेणें ते गरोदर । दिसे साचार इतरांसी ॥३५०॥

हात घालूनि सखियांच्या खांदीं । चालतां उदर हालों नेदी ।

विसांवा घेत पदोपदीं । येतां ऋषिवृंदीं देखिली ॥५१॥

ऐसा स्त्रीवेष दाखवूनि । नावेक अंतरें राहोनि ।

इतर ऋषींजवळी येऊनि । लोटांगणें घालिती ॥५२॥

पूर्वश्लोकींचा श्र्लोकार्थ तेथ । व्याख्यान नव्हेच समस्त ।

यालागीं तेंचि येथ । वाखाणिजेत कथान्वयें ॥५३॥

छळाचेनि मिषें जाणा । ऋषींसि करिती प्रदक्षिणा ।

अत्यादरें लागती चरणा । म्हणती दर्शना आम्ही आलों ॥५४॥

ऐसे यदुकुमार समस्त । अविनीत परी विनीतवत ।

कर जोडोनि राहिले तेथ । मृदु विनवीत मुनीश्वरां ॥५५॥

स्वामी पैल हे जे सुंदर । तुमच्या वचनीं भावार्थ थोर ।

आसन्नप्रसव गरोदर । स्वयें सुकुमार पुसों लाजे ॥५६॥

Translation - भाषांतर
N/A

References : N/A
Last Updated : 2011-09-19T11:12:13.7970000

Comments | अभिप्राय

Comments written here will be public after appropriate moderation.
Like us on Facebook to send us a private message.

अवयवश :

  • क्रि.वि. प्रत्येक भाग घेऊन ; पृथकपणें प्रत्येक वेगवेगळें करुन ; भिन्न करुन ; एकेक ( संस्कार करणें ). हा ग्रंथ मी अवयवश : अवलोकन केला . [ सं . ] 
RANDOM WORD

Did you know?

आत्मा जेव्हा शरीर सोडतो तेव्हा त्याचा पुढचा प्रवास कसा असतो?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site