अथकाम्यनैमित्तिकविचारः अवश्यंप्रत्यहंकृत्यमुक्त्वातच्छेषउच्यते ।
काम्यंनैमित्तिकं चापिप्रायःसिन्धुक्रमादथ ॥
तत्राधाननक्षत्रादिकालविचारःप्रथमपरिच्छेदेउक्तः
आवसथ्याधानंतुदारकालेदायविभागकालेवाअग्निर्वैवाहिकोयेननगृहीतःप्रमादिना ।
पितर्युपरतेतेन गृहीतव्यःप्रयत्नतः १ गृह्याग्निहीनस्यान्नमभोज्यम्
पितरिज्येष्ठभ्रातरिवासाग्निकेकनिष्ठादरेविभक्तस्यनिरग्निकत्वदोषोन
एवंज्ञानाध्ययनादिनिष्ठस्यापिनदोषः गृहस्थस्यपयध्ययनोक्तेः
स्मार्ताधानमपिज्येष्ठेभ्रातरिअकृताधानेसतिनकार्यमितिनिर्णयसिन्ध्वादौगार्ग्योक्तिः
अत्रैवंनिर्णयोभाति यत्रज्येष्ठेनदायाद्यपक्षमवलम्ब्य
विवाहकालेयावज्जीवमौपासनंकरिष्येइत्येवंसंकल्पपूर्वकंविवाहाग्निर्नगृहीतस्तद्विषयोऽयंकनिष्ठस्यनिषेधः
येनज्येष्ठेनविवाहकालेतथासंकल्पपूर्वकमग्निःपरिगृहीतः
सपश्चात्परिचरणाभावेनाविद्यमानाग्निकोऽपिउच्छिन्नाग्निरेवनत्वकृताधानइतितवकनिष्ठस्याधानेदोषोनेति
अत्राधिकारिणोऽपिभ्रातुरनुज्ञयाकनिष्ठस्याधानंभवति विवाहस्तुअनुज्ञयापिन
एवंपितुरनुज्ञयाप्याधानम् संन्यस्तेछिन्नहस्तादौयद्वाषण्ढादिदूषणे ।
जनकेसोदरेज्येष्ठेकुर्यादेवेतरः क्रियाम् १ इत्यादिविशेषः विवाहप्रकरणेपरिवेत्तुप्रसङ्गेउक्तः ॥