लोकांना संकलित कळावा म्हणून तात्पर्यानें सुलभ करुन लिहिला आहे.
पूजाप्रकार -
पार्वतीला शंकर भेटावेत म्हणून हिमालयानें कथन केले आहेत.
श्रीगणपतीची तपश्चर्यापूर्वक आराधना करण्याचा शास्त्रोक्त विधि :---
१ प्रातर्विधि
२ स्नान
३ वस्त्रपरिधान (धौतवस्त्र)
४. तिलक
५.नित्य विधि (संध्या वगैरे),
६. प्रतिमा करणें
७. पूजासाहित्य
८.आसन
९. भूतशुद्धि
१०. प्राणायाम
११. दिशाबंधन
१२. देवतास्मरण
१३. अंतरबहिर्मातृकापूर्वक आगमोक्त विधीनें न्यास मंत्रन्यास व षडंगन्यास
१४. पूजाद्रव्यप्रोक्षण
१५. देवताध्यान
१६. आवाहन
१७. षोडशोपचार व अभिषेकासह पूजा
१८. स्तोत्रें, सूक्तें व सहस्त्रनाम पाठ
१९. प्रार्थना
२०. नमस्कार व
२१. जप.
प्रतिमाकरण :-
वारुळ व खडयाशिवाय शुद्ध स्थलांतील चांगली चिकट व मऊ माती घ्यावी. सर्व अवयव सुटे, चतुर्भुज, सायुध-परशु-त्रिशूळ, मोदकादिक युक्त अशी गणेशप्रतिमा करावी.
पूजासाहित्य :-
रक्तचंदन, शेंदूर, हळद, कुंकू, अक्षता, १०८ दूर्वा, शमी, तांबडीं पुष्पें, पंचामृत (दूध, दहीं, तूप, मध, साखर), धूप, दीप, नैवेद्य (मोदक, लाडू, खीर, घारगे, तिळाचे लाडू, साळीच्या लाह्या व खडी साखर), नारळ, केळीं, डाळिंब इ० व तांबूल, दक्षिणा व कापूर हें असावें.
आसन :-
एकांत-कार्पास, दर्भ, ऊर्णा व मृगाजीन.
मातृका :-
(शिवासह चार देवता-ब्राह्मी, माहेश्वरी, कौमारी , वैष्णवी, वाराही, इंद्राणि व चामुंडा ).
ध्यान :-
हे देवा, एकदंता, शूर्पकर्णा लंबोदरा इ० तूं भक्तांच्या इच्छा पूर्ण करतोस. सिद्धि, बुद्धि या दोन परिचारिका आहेत असा आणि ब्रह्मादिक देव ध्यान करितात अशा प्रकारें करावें.
आवाहन :-
हे जगदाधारा, अनाथनाथा, तूं मजसंनिध ये असें करावें.
प्रार्थना:-
हे दीननाथा, दयानिधे, संकटनाशना, त्रैलोक्यनाथा वगैरे तूं माझ्या सर्व अपराधांची क्षमा कर अशी करावी.
साष्टांग नमस्कार करुन नंतर स्थिर मनानें जप करावा.