धर्मसिंधु - संध्येचे प्रायश्चित्त

जे द्विज नियमाने संध्येची उपासना करतात ते निष्पाप होऊन ब्रह्मलोकाला जातात. जे संध्या करीत नाहीत ते अशुचि होत, म्हणून त्यांना अन्य कर्माचे फळ प्राप्त होत नाही. ते जिवंत असता शूद्र होत व मेल्यावर निश्चयाने श्वानाच्या जन्माला जातात. तीन संध्यांच्या कालाचा अतिक्रम होईल तर प्रायश्चित्त म्हणून एकेक अर्घ्य अधिक देऊन रात्री एक प्रहरापर्यंत दिवसास उक्त अशी कर्मे करावी. रात्री ब्रह्मयज्ञ व सौर मात्र वर्ज्य करावे. संध्येचा सर्वथा लोप होईल तर प्रत्येक लोपाबद्दल एक उपवास अथवा दहा हजार अथवा १००८ गायत्रीजप करावा. अति सशक्त असेल त्याने प्रत्येक संध्येच्या लोपाबद्दल १०० गायत्रीजप करावा. दोन दिवस अथवा तीन दिवस संध्येचा लोप होईल तर वरील प्रायश्चित्ताची आवृत्ति करावी. यापेक्षा जास्ती दिवस लोप होईल तर कृच्छ्रादि प्रायश्चित्त करावे.