ग्रहि चला जरा मज कमलणिच्या हरा ॥
मज गरिबासी तारा अथवा मारा ॥ध्रु०॥
खुरबान तुला प्राण हवाला केला ॥
या पलंगी बसा धावुन धरिते शेला ॥
सिकविले तुला हा पण सिद्धीस नेला ॥
राजेंद्र धनी शब्द सुखाचा बोला ॥
स्वप्नात मला मदनबाण चेतला ॥
दचकुन उठले द्वारी आले पाह्याला ॥
तुज वाचुन मजला नाही कोणाचा थारा ॥१॥
लावुनि माया भोगा कवळी काया ॥
कोण्या गोष्टीचा आंतर पडले पाया ॥
चंचल चर्या आज दिसली गुणिराया ॥
मि कुळिवंताची काया तुमची जाया ॥
मुखडा पाह्या उभी राहते धाउनि या ॥
आज कृपा करा चला महाली लवलाह्या ॥
नको देउ दगा आज दिसला चित्त चोरा ॥२॥
मुठ भ्रमाची बाही फोडित लाखाची ॥
मी जोड केली सजनाच्या पायाची ॥
लई मर्जीची कोण सवत मायेची ॥
तिचे वेड लागले आण माझ्या रक्ताची ॥
या चित्ताचि सोड कल्पना मनिची ॥
आज कृपा करा आण राधासखयाची ॥
सिरदान तुला आज चरा मोत्याचा चारा ॥३॥
रंगित माहाली झटपट मैना गेली ॥
तीन सजन भोगिला अशा प्रितीच्या चाली ॥
लइ मर्जि मिळाली विषयलंपट झाली ॥
अशी प्रीत चालवा आण रक्ताची घाली ॥
ऐकुन चाली जोतिसी जोत मिळाली ॥
गुणी सगन भाउच्या चरणाला मिठि घाली ॥
नित्य गाई रागा जसा पट्ट्याचा मोहरा ॥४॥