TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अनुवादीत साहित्य|धर्मसिंधु|द्वितीय परिच्छेद|
वैकुंठचतुर्दशी

धर्मसिंधु - वैकुंठचतुर्दशी

हिंदूंचे ऐहिक, धार्मिक, नैतिक अशा विषयात नियंत्रण करावे आणि त्यांना इह-परलोकी सुखाची प्राप्ती व्हावी ह्याच अत्यंत उदात्त हेतूने प्रेरित होउन श्री. काशीनाथशास्त्री उपाध्याय यांनी ’धर्मसिंधु’ हा ग्रंथ रचला आहे.

This 'Dharmasindhu' grantha was written by Pt. Kashinathashastree Upadhyay, in the year 1790-91.

वैकुंठचतुर्दशी

कार्तिक शुक्ल चतुर्दशी वैकुंठचतुर्दशी होय. पूर्व दिवशी उपवास करून अरुणोदयव्यापिनी चतुर्दशीला प्रातःकाली शिवाची पूजा करून पारणा करावी. याने चतुर्दशीयुक्त अशा अरुणोदय अहोरात्रामध्ये उपवास केल्याचे फल प्राप्त होते. दोन दिवस अरुणोदयव्याप्ति असेल तर पूर्वदिवशी उपवास करून दुसर्‍या दिवशी अरुणोदयकाली पूजा करावी. दोन्ही दिवस अरुणोदयव्याप्ति नसेल तर चतुर्दशीने युक्त अशा अहोरात्रामध्येच अरुणोदयकाली पूजा करावी व उपवास पूर्व दिवशी करावा. ही चतुर्दशी विष्णूच्या पूजेला निशीथव्यापिनी घ्यावी. दोन दिवस निशीथव्याप्ति असेल तर निशीथ व प्रदोष हे दोन काल व्यापणारी घ्यावी असे कोणी ग्रंथकार म्हणतात. याच चतुर्दशीचे दिवशी -परविद्धा असेल त्या दिवशी-कार्तिमासव्रताच्या उद्यापनाच्या अंगभूत असा उपवास करून अधिवासन करावे. "रात्री गीत, वाद्य इत्यादि मंगलांनी युक्त असे जागरण करावे. विष्णूच्या जागरामध्ये गीत व नृत्य करणारे मनुष्य सहस्त्र गोदान केल्याचे फळ पावतात" इत्यादि वाक्यांनी विहित अशा गीत, नृत्य, वाद्य, विष्णूच्या चरित्राचे पठन, स्वेच्छालाभ, क्रीडा इत्यादि प्रकाराने हरिजागर करावा. परविद्धा अशा पौर्णिमेचे दिवशी सपत्नीक आचार्याअल पसंत करू "अतोदेवा०" या दोन ऋचांनी तिळ व पायस यांचा होम करून गोदान द्यावे. याप्रमाणे कार्तिकमासाच्या व्रताचे उद्यापन सांगितले. कार्तिक शुक्ल द्वादशी व पौर्णिमा व मन्वादि तिथि आहेत या पूर्वाह्णव्यापी घ्याव्या. इतर प्रयोग पूर्वी सांगितला आहे.

Translation - भाषांतर
N/A

References : N/A
Last Updated : 2008-05-05T10:56:39.7530000

Comments | अभिप्राय

Comments written here will be public after appropriate moderation.
Like us on Facebook to send us a private message.

otomycosis

  • पु. Zool. कर्ण कवक रोग 
  • कर्णकवकता 
RANDOM WORD

Did you know?

मरणानंतर पंचांगात नक्षत्र कां पाहतात? त्याचा प्रेताशी काय संबंध?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site