TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|भजन|मानसगीत सरोवर|
चलागे कृष्णातिरि जाऊ ॥ ...

मानसगीत सरोवर - चलागे कृष्णातिरि जाऊ ॥ ...

भगवंताच्या लीला, त्याचे स्वरूप, अवतारकृत्ये व प्रत्येक अवतारातील अनेकविध प्रसंग, यावर आधारीत भजनांचा संग्रह, म्हणजेच मानसगीत सरोवर.


मुरलीधराचे गाणे

चलागे कृष्णातिरि जाऊ ॥

कुरुंद्वाडच्या दत्तअळीमधे मुरलीधर पाहू ॥धृ०॥

मला ते क्षेत्रची हो गमते ॥

श्रीविष्णूचे मंदिर बघता मन तेथे रमते ॥

अवधुत- रघुवीर-मंदिरि ते ॥

रम्य दिसे मज छोटे परि हे मुरलीधर जेथे ॥

सुशोभित बाइ मला दिसते ॥

देवालय ते दृष्टी पडता ये शांतिस भरते ॥

सख्यांनो शीघ्र तिथे जाऊ ॥

गरुडासन्मुख उभ्या राहुनी प्रभुचरणा पाहू ॥चला०॥१॥

नसे कधि योग्यांणा दिसला ॥

काशिबाइच्या भावास्तव तिज सदनी तो बसला ॥

त्यजुनी झणि श्रीमंताला ॥

नाभी नाबी काशी म्हणुनी निज वक्त्रे वदला ॥

वसंती वैशाखी प्रभुला ॥

शुक्ल दशमिच्या दिवशी मिरवित मिरवित गे अणिला ॥

मनासी मोद तिच्या झाला ॥

शक अठराशे बत्तिस साली सिंहासनि बसला ॥

अशा स्थळि मन अपुले रमवू ॥

नवविध भक्ती घेउन संगे मस्तक हे नमवू ॥चला०॥२॥

आधी मी प्रभुचरणा नमिते ॥

पायी पैंजण वाळे नूपुर प्रेमे मग बघते ॥

नेसले पीतांबर प्रभु ते ॥

भरजरि शेला शोभे ह्रदयी वनमाला दिसते ॥

कधी कधि फेटा बांधित ते ॥

कधि रत्‍नाच्या मुगुटावरती कोंदण झगझगते ॥

कपाळि केशरि चंदन ते ॥

कानि कुंडले लाल वदन जणु तांबुल भक्षिति ते ॥

करामधि मुरली घेउन ते ॥

वाजविता हरि राधाबई पुरे पुरे म्हणते ॥

नसे मज ज्ञान कसे गाऊ ॥

वेडेवाकडे बोल बोबडे बोलुन पदि राह ॥चला०॥३॥

बघागे राधेची मूर्ती ॥

क्षीराब्धीची वाटे तनया आली भूवरती ॥

कसूनी भरजरि पैठणि ती ॥

कलाबतूची फुले काढिली कंचूकीवरती ॥

शसीसम कुंकुम मंडित ती ॥

नेत्री अंजन मंगळसूत्रे करि कंकण असती ॥

नटुनी शृंगारी बहु ती ॥

पायी पैजण वाजवि रुणझुण हरि मन रंजवि ती ॥

बघे हरिदासा ही भूलवू ॥

निजरूपाने मोहित करुनी ईप्सितपद चुकवू ॥चला०॥४॥

मनोहर रूप असे प्रभुचे ॥

वर्णन करिता थकली श्रुतिही तेथ मला कैचे ॥

परी त्या काशीबाईचे ॥

फार मनोरथ होते म्हणुनी वदले मी वाचे ॥

विसर्जन झाले जरि तनुचे ॥

परी जिवा बा स्मरण धरावे दिनरजनी हरिचे ॥

अखंडित नामामृत घेऊ ॥

म्हणते कृष्णा मुरलिधराच्या पदि मस्तक ठेवू ॥चला०॥५॥

Translation - भाषांतर
N/A

References : N/A
Last Updated : 2007-12-30T22:21:55.2270000

Comments | अभिप्राय

Comments written here will be public after appropriate moderation.
Like us on Facebook to send us a private message.

चेंबरी

  • स्त्री. ( प्रां . ) कोंडंकें आणि एलें यांच्या जोडीला किंवा नुसत्या एल्यालाहि लावावयाचा शब्द ; कोंडकें आणि एलें पहा . 
RANDOM WORD

Did you know?

हिंदू धर्मात मुलाचे जावळ काढतात परंतु मुलीचे का काढत नाहीत?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.