बडबडगीत - जन्मापासून एकटा दूर दू...

जन्मापासून एकटा

दूर दूर आकाशात

पृथ्वी भोवती अखंड

फिरतो मी दिनरात

इथे सगळे ओसाड

नाही हवा, नाही पाणी

झाडे, वेली, तृण, फुले

नाहीत पक्ष्यांची गाणी

नुकतेच मी पाहिले

माणूस असतो कसा !

माझ्या मनी उमटला

त्याच्या कर्तुत्वाच्या ठसा

एक दिवशी मी खास

चांद्रयानात बसून

मोठया डौलात, खुशीत

पृथ्वीवर उतरेन

चार दिवस मजेत

माणसांमध्ये राहीन

मुलाबाळांचा मी मामा

त्यांचे कौतुक करीन

वत्सल पृथ्वीमातेच्या

अंगावरती लोळून

पुन्हा जाईन स्वस्थळी

चांद्रयानात बसून .

N/A