गुरुराया सिद्धा सहज सुखदाता सुरवरा ।
परमायातीता परमगुरुवर्या दिनकरा ।
दिनानाथा देवा निशिदिन सदा पूर्ण उदया
म्हणे सिद्धलिंग मजवरि किजे सिद्ध सुदया ॥१॥
गुरु नागनाथा निरसि भवबाधा अतित्वरे
कृपा कीजे वेगी धरूनि कुरवाळी निजकरे ।
समर्था सर्वज्ञा निगम वदती नित्य वदनी
म्हणे सिद्धलिम्ग मज बसविजे सिद्ध सदनी ॥२॥
कृपाळा कृपाळा भुवनभवकाळांतक शिवा
दयाळा स्नेहाळा निजसुख सुखाळा अनुभवा ।
सुधा सिंधू सिद्धा सहज सुखदाता महात्मया
अकाळी आनाश्री वर्षति गगनाहूनि गहन
रवीविणे भानू प्रखर तपती कोटि किरण ।
चिदाकाशी चित्त प्रचलितचि होचित नेहिन
म्हणे सिद्धलिंग म्हणवुनि गुरू गम्य गहन ॥४॥
अनूहाते भेरी अनुदिनि सदा गर्जति ध्वनी ।
मनोरम्य होय म्हणुनि श्रवणी ऐकति मुनी ।
तया नादातीत तमविरहित तेज प्रगट
म्हणे सिद्धलिंग मन उन्मनी नित्यनिकट ॥५॥
त्रिकूटाचे माथा द्विदळ वौता ह्म्स विचरे
नभाशुन्यातीत निखळ निजमुक्ता फळचरे ।
जराजन्मातीत परमगति पावे परतेरे
म्हणे सिद्धलिंग अजपजपता जीव विसरे ॥६॥
जिवाशीवा माझी परम पर वस्तूचि भरली
तिथे विश्वमाया मृगजळवत् सर्व सरली ।
पदा पिंडती स्वजनन मरण विश्रांति तेथे
म्हणे सिद्धलिंग पहा तुम्हि परेहूनि परते ॥७॥
आनंत ब्रह्मांड अनुभव जया माजि दिसती ।
पुन्हा पाहू जाता परतुनि तया ठायि नसती ।
जसी आभ्रछाया दिसति लपती होति नव्हती
म्हणे सिद्धलिंग अनुभव करावा अवधुती ॥८॥
अनादिचे आदी अरुण उदयो पूर्ण जहला ।
अपारू असंख्य अगणित शशी कोटि वहिला ।
अणुक्षेत्रीतारा अनुपम प्रभा फाकति मुद्रा ।
म्हणे सिद्धलिंग गुरुमुख पहा हो तुम्हि सदा ॥९॥
नभाचे मंदीरी दिपेवीण दिसे दीप्ति विमळ
अविद्या अंधारू हरुनि निरसे द्वंद समुळ ।
इंदुज्वाला माळा लखलखित तेज पूर्ण पसरे ।
म्हणे सिद्धलिंग निगुरुजेते नेणति बरे ॥१०॥
तिमीरांधातीत त्रिगुण रहित तेज चमके ।
अपोरक्ष दृष्टी अनुदिनी असंख्यात झळके ।
सुधा धारा वर्षे स्ववदनि ऋषी वैखरि वदे
म्हणे सिद्धलिंग शिव शिव म्हणा हो असिपदे ॥११॥
ब्रह्माहमस्मीते म्हणवुनि स्वमुखी वेद वदती
परब्रह्मी माया परिमळ फुली ऐक्य वसती ।
सुवर्णाचेनीया बहुवि अलंकार घडती
म्हणे सिद्धलिंग पुनरपि स्वरुपी बिघडती ॥१२॥
रजुः सर्पाकारे अवचित दिसे दृश्य सबळ
तिथे लक्ष्यालक्ष्य दिखुनि निवळ शुद्ध निखिळ ।
मृषा सर्व भ्रांती भ्रमविरहित भेद गळते
म्हने सिद्धलिंग सकळ भवभया विरहित ते ॥१३॥
अलक्ष्य अवाच्य अनुभव पहा हो गुरुमुखे ।
सुलक्ष्य सुवाच्य सुगम श्रीगुरुनाम स्वमुखे ।
वदा हो वाच्यार्थ वरद गुरुनागेश्वर स्मरा
म्हणे सिद्धलिंग सकळ सखयानो भवतरा ॥१४॥
अण्वाग्री माणिक्ये अभिनव कळा फाकति क्षिती
अमोलिक्ये रत्ने जडित भुवनी सर्व दिसती ।
हिरे गोमेदादी बहुत पुष्करादि सकळा
म्हणे सिद्धलिंग दिखत दिखता वृत्ति विकळा ॥१५॥
महासिद्धस्वामी महिजळतळातीत परमा
अनीळा आकाशा विचरति तुम्हा माजि विमळा ।
वभूतू विश्वाचा विपरति लिळा काहि न कळे
म्हणे सिद्धलिंग गहन गुरुनाम हि न कळे ॥१६॥
भुजंगा सत्संगा भुवन भव भंगा भव हरा
कृपा पारा वारा शरण जन तारा अतित्वरा ।
खगातीता नागा नयन भर पाहीन तुजला
म्हणे सिद्धलिंग आणिक नलगे काहि मजला ॥१७॥
परेशा विश्वेशा परम प्रभुशेषा शिवगुरु
सुरेशा सर्वेशा सकल भुवनीशा परतरु ।
अवीनाशा देवा अरुप सरुपा अंग विहिना ।
म्हणे सिद्धलिम्ग करि मजवरी पूर्ण करुणा ॥१८॥
अगाधा अनंता अगुण गुण तू निर्गुण परा
निराकारा कारा विरहित विकारीगुरुवरा ।
गुरो वर्णवेना प्रसवित वचा हो विगलित
म्हणे सिद्धलिंग स्वरुप निजमौन्ये सलोलित ॥१९॥
बिसावा विश्वाचा मुनिजन सदा ध्याति ह्रदयी
गणा गंधर्वादी स्तवन करिती तत्व विषयी ।
तया ते प्रत्यक्ष अनुभव कळा दावि नयनी
म्हणे सिद्धलिंग सुर वर्षिति मुदा हेम सुमनी ॥२०॥
कलीचे कर्तारा कमल नयना कर्म दहना
तुला पाहू जाता स्वरुप नुमजे गुप्त गहना ।
जगनाथा त्राता निजपद दाता तू सुखनिधि
म्हणे सिद्धलिंग मनबांधिसि गा मंगलविधी ॥२१॥
पटत्वे विस्तरु विविध पर तंतूच बनला
घटत्वे ही पृथ्वी धन कनकादि रत्न विपुला ।
धृताचीया धारा बहुत दिसती एक असती
म्हणे सिद्धलिंग अकळ गुरुराया तव गती ॥२२॥
नरेंद्रा देवेन्द्रा सुरवर फणींद्रा पशुपती
मुनीन्द्रा सिद्धेन्द्रा मनोन्मन महेंद्रा महिपती ।
गजेन्द्रा योगेंद्रा यमनियम प्राणा यमपरा
म्हणे सिद्धलिंग गुरुविण नेणेचि दुसरा ॥२३॥
वडेवाळासिद्धा खडतर तुझा बोध अढळ
अनुदीनी ज्याते स्मरण करता प्राप्ति सुढळ ।
दृढेनिष्ठे बाणे झडकरि जडत्व उडतसे
म्हणे सिद्धलिंग गहन गुरुनाम पढतसे ॥२४॥
नमोजी नागेशा परम प्रभु शेषा शिवगुरू
नमोजी सिद्धेशा अकळ अविनाशा परतरू ।
नमोंकारागम्या शरण अतिसौख्या अरुवरी
म्हणे सिद्धलिंग वदविसि महानंद लहरी ॥२५॥