बंधूजी पावईना काई करुं मी जुंदळ्याचं
बंधू हौशाच्या भोजनाला ताट भरती आंबुळ्याचं ।
ज्याला ग न्हाई भैन त्याचं जेवण हिरीवरी
बंधू माझ्या त्या हावशाला तूप वाढीती खिरीवरी ।
ज्याला नाही भैन त्याच्या पदरी चाराचुरा
बंधू माझ्या हावशाला करते जेवन तालीवारा ।
बंदूजी पावईना खुंटी सोप्याची नटईली
बंदू माज्याला देखितांना मला हुषारी वाटईली ।
बसाय बसकर पाट टाकिती ज्येला तेला
बंधु माझ्या त्या हावशाला खुर्ची बसाइ वकिलाला ।
बसाई बसकर ज्यान जमकाना टाकिईती
हावशा माझ्या बंधू बंदुयीबाई दोन्ही नाती ।
बसाया बसकर टाकी ज्येनाबीवर गादी
हावशा माझ्या बंधू खास यीवाया बस मंदी ।
बंधूजी पावईना म्यां का देकीला अंगणात
झारी बुडवीली रांजनात दिली बंदूच्या तळातात ।
जिरसाळीचा करती भात येळ लौंगाची करते शाक
वनगाईचं वर तूप ज्यान जमकाना ढेलजंत ।
बंदूजी पावईना गेला मातला सांगईत
भैन असावी नशिबात केली वहिनीनं चालरीत ।
उन्हाच्या रखामंदी बाईशिकल कुणायाची
बंदू माझ्या त्या हावशानं दिली दवड उनायाची ।
उन्हाच्या रखामंदी टांगा कुणाचा धावा घेतो
भैनी कारणं भाऊ येतो बंदू राया ।
बंदूजी पावईना आला आंब्याच्या दिसामंदी
बंधु माझ्या त्या हावशाला तूप वाढिते रसामंदी ।
चुलत भावा नको येऊसा येगईळ
सरदार माझ बंदू एका राशीचं जुंदईळ ।
चुलत भावईंडं मला चुलत वाटईना
हिरी शेजारी पानमळा त्येचा गारवा तुटईना ।
बंदूजी घेतो चोळी भावज गुजरी खुशालीत
भावज गुजईरी तुझ्या माहेरी चालरीत ।
बंदूजी घेतो चोळी भावज गुजरी माझी बोल
चोळी हालकी घेऊ नका दिली नणदं थोर लोका ।
गार साऊली बघूईनी म्याका उतबीरीलं वज्जं
भावज गुजरी किती सांगू मला ईसाव्या धर तुझं ।
थोरलं माझं घर हंडया झुंबरं लोंबत्याती
सासूबाईचं बाळराज धनी वाडयाला शोभत्याती ।
थोरलं माझं घर चिरेबंदीया त्येला जोतं
ऊंच पायरी तोंड धूती पाणी अंजीबीराला जातं ।