TransLiteral Foundation

देवाच्या दारी २

’कुसुमाग्रज’ या टोपणनावाने श्री. विष्णू वामन शिरवाडकर (१९१२-१९९९) यांनी मराठीत लेखन केले.


देवाच्या दारी - २

कोण्या वैभवात होऊनिया लीन

विसरसी दीन लेकरांना ?

म्हणतात तुझ्या दयेला ना अन्त

पुकारती सन्त थोरी तुझी

चिमण्यांच्या घरा लावशी मशाल

केवढी विशाल दया तुझी !

जळातले जीव तापल्या दुपारी

वाटवटावरी ओढसी तू

पाहसी तू शांत त्यांची तगमग

कोणाचा हा राग कोणावरी ?

कोण गुन्हेगार क्षमावन्त देवा

क्षमेचा अन् ठेवा कोणासाठी ?

तुझ्या महिम्याची प्रचंड पुराणे

गमती तराणे अर्थहीन !

तुझी पाषाणाने पहिलीच मूर्ति

घडविली, मति थोर त्याची !

आणि आता त्याच मूर्ति पुजवून

वेडे विडम्बन करतात !

असो, भलेबुरे वदलीसे वाचा

काय मानायाचा त्याचा राग

निखार्‍यात बद्ध असताना पाय

अपेक्षिसी काय संकीर्तन !

Translation - भाषांतर
N/A

References :

कवी - कुसुमाग्रज

ठिकाण - माहीत नाही

सन - १९३७

Last Updated : 2012-10-11T13:09:55.0770000

Comments | अभिप्राय

Comments written here will be public after appropriate moderation.
Like us on Facebook to send us a private message.

पंच शर

  • पंचबाण पहा. 
RANDOM WORD

Did you know?

आत्मा जेव्हा शरीर सोडतो तेव्हा त्याचा पुढचा प्रवास कसा असतो?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.