TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

भाव कणिका

’कुसुमाग्रज’ या टोपणनावाने श्री. विष्णू वामन शिरवाडकर (१९१२-१९९९) यांनी मराठीत लेखन केले.


भाव कणिका

तू गगन-महाली बैससी वैभवशाली

मी पायपथाच्या धुळीत खपतो खाली

गुदमरुनि उभा मी अथांग या गर्दीत

या कोलाहलि तुज आळवतो मधु गानी

स्वर-लहरि कधी त्या रिघतिल का तव कानी ?

हे ह्रदय नसे परि स्थंडिल धगधगलेले

आशांचे इंधन अखंड त्यावर चाले

हे जीवन की हे मृगजळ एक विराट

मृग आर्त धावती दूर, सारखे दूर

अन्‍ क्षितिजावरती सदा जलाचा पूर !

रे परत पाखरा, परत जायचे आज

ये अस्तगिरीवर क्षणाक्षणाने सांज

रवि सुवर्ण-तारूसम लोपेल समुद्री

पसरील पंख काळोख निळ्या आकाशी

ये गाऊ तोवर, बैस जरा मजपाशी !

एकाग्र मनाने पूजित होतो मूर्ती

मिटलेल्या डोळा दिसे दिव्यशी दीप्ति

का जागृत केले करूनी भग्न समाधी

अन्‍ ऐकविले ते सत्य कठोर विधान

"रे देवा नसे हा, असे मात्र पाषाण !"

रेखले मनोहर हे रमणीचे चित्र

कमलापरि फुलले दिसे गात्र नी गात्र

उत्फुल्ल स्तन ते, कुंभ जणू कनकाचे

जडविली जयावर आणि माणके लाल,

परि ह्रदय त्यातले कधी काय रेखाल ?

ही वाट वनातुन गर्द भरे अंधार

मावळे विधूची कधीच बारिक कोर

हा घुमे पिशाचापरी तरूतुनि वारा

चमकती दूरवर तुझ्या घरातिल ज्योति

पद पुढे ढकलतो विसंबून त्यावरती !

Translation - भाषांतर
N/A

References :

कवी - कुसुमाग्रज

ठिकाण - माहीत नाही

सन - माहीत नाही

Last Updated : 2012-10-11T13:09:45.4230000

Comments | अभिप्राय

Comments written here will be public after appropriate moderation.
Like us on Facebook to send us a private message.

चळाळ

  • पु. १ भीतीनें लटलट , थरथर कांपणें ; थरकांप . ( क्रि० सुटणें ; होणें ) २ खळाळ ; खळखळ आवाज . शुष्क जळाचे चळाळ । धारा धबाबे खळाळ । - दा ११ . ७ . ४ . [ चळचळ ] 
RANDOM WORD

Did you know?

सत्यनारायण पूजेला धर्मशास्त्रीय आधार आहे काय? हे व्रत किती पुरातन आहे?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site