TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

राजद्रोह कीं देशद्रोह ?

भा.रा.तांबे यांच्या कविता अत्यंत हळुवार असून त्या मनाला भिडतात


राजद्रोह कीं देशद्रोह ?

या पाप्याच्या पायांसाठी

अपराध्याच्या पायांसाठी

अपराध्याच्या कार्यासाठी

जोगि होइन !

झोळी घेइन

वरवासी वनिं रानीं राहिन !॥ध्रु०॥

तुम्ही शाहाणे थोर, यां म्हणतां राजद्रोहि;

यासाठिच मी बावळी पडलें याच्या मोहिं !

या कलिजाच्या देवासाठी

या जीवाच्या जीवासाठी - जोगिण इ. १

शिरार्थ याच्या लाविलें बक्षिस तुम्हिं हजार;

खडा पहारा करिन मी ! होइन आधीं ठार !

राज्यशासना मुकल्यासाठी

पतित, वध्य ह्या चुकल्यासाठी - जोगिण इ. २

राजद्रोहा कापतां दुखविन जननीद्रोह;

पोट जाळण्या टीचभर तुम्हा पडे व्यामोह !

या जननीच्या भक्तासाठी

मातृपदीं अनुरक्तासाठी -जोगिण इ. ३

व्यवहारीं डोळस तुम्ही, स्वप्न सुखीं व्हा अंध;

स्वप्न सुखास्तव याचिया झालें मी मतिमंद

जनांमधुनि या उठल्यासाठी

भविष्यामधे रतल्यासाठी-जोगिण इ. ४

लालुच लावुनिया मला करुं नका मतिभेद

खटाटोप तुमचा वृथा ! वज्रिंपडे कां छेद ?

या पृथ्वीच्या मोलासाठी

याच्या एकच बोलासाठी -जोगिण इ. ५

मातेच्या अश्रुंमधे शिजवुनि सेवा अन्न !

कंदमुळें बरवीं वनीं, जननी जरी प्रसन्न.

या माझ्या उपवाशासाठी-जोगिण इ. ६

जननीरक्तें रंगले तुमचे लाल महाल !

प्रीतिजळें धुतल्या बर्‍या यासह दर्‍या विशाल !

गृहविहीन या पांथासाठी

भणंग माझ्या कांतासाठी-जोगिण इ. ७

तुमच्या त्या देवालयीं वृत्तींचा बाजार,

दर्‍या, झरे, रायांतुनी राम करी संचार !

या माझ्या श्रीरामासाठी

तुम्ही टाकिल्या नामासाठी-जोगिण इ. ८

'हां जी, जी हां' करुनिया मिळवा स्वर्ग तुम्हीच !

जननि हितास्तव भांडतो देवाशीं हा नीच !

या पाप्याच्या पायांसाठी

अपराध्याच्या कार्यासाठी

जोगिण होइन झोळी घेइन - वनवासी वनिं रानीं राहिन ! ९

Translation - भाषांतर
N/A

कवी - भा. रा. तांबे

राग - भैरवी

ठिकाण - लष्कर ग्वाल्हेर

दिनांक - सप्टेंबर १९२७

Last Updated : 2012-10-11T13:15:30.2970000

Comments | अभिप्राय

Comments written here will be public after appropriate moderation.
Like us on Facebook to send us a private message.

Holotricha

  • पु. Zool.(an order of ciliata) होलोट्रिका 
RANDOM WORD

Did you know?

विनायकी आणि संकष्टी चतुर्थीबद्दल शास्त्रार्थ सांगावा.
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site