मराठी मुख्य सूची|मराठी साहित्य|गाणी व कविता|भा. रा. तांबे|संग्रह ३|
सखि आली !

सखि आली !

भा.रा.तांबे यांच्या कविता अत्यंत हळुवार असून त्या मनाला भिडतात
Tags :

अरुणनयन

अरुणचरण

अरुणवसन

सखि आली,

ही अरुणोदयकालीं !

कांति फांकली सखिच्या तनुवर

उजळे मम घर

अनुपम सुंदर,

हास्य विकसलें गालीं.

सखि आली. १

डोह विमल,

पुण्य सलिल

स्फटिकोज्जवल

द्युतिशाली

प्रसन्न मोहनि घाली.

प्रसन्न सखिचे प्रस्फुट अवयव,

यौवनवैभव

फुललें अभिनव,

अरुणकिरणिं सखि न्हाली,

सखि आली ! २

N/A

कवी - भा. रा. तांबे

राग - मारवा एकताल

ठिकाण - लष्कर-ग्वाल्हेर

साल - १९२९
Last Updated : October 11, 2012

Comments | अभिप्राय

Comments written here will be public after appropriate moderation.
Like us on Facebook to send us a private message.
TOP