TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|भा. रा. तांबे|संग्रह १|
आनंदी आनंद !

आनंदी आनंद !

भा.रा.तांबे यांच्या कविता अत्यंत हळुवार असून त्या मनाला भिडतात


आनंदी आनंद !

आनंदी आनंद मुलांनो, आनंदी आनंद !

चहूंकडे दशदिशीं दाटला आनंदी आनंद ! ध्रु०

आकाशी आनंद वरी

भरे धरेवरि त्याचपरी,

गिरिशिखरी, तरुशिखरिं, घरीं

आनंदाचा सागर भरला घ्याच बुड्या स्वच्छंद. १

फुलावरुनिया फुलावरि सुखें फुलपांखरुं ज्यापरी झुले,

तसें झुलाया तुम्हां उधळिलीं प्रभुजीनें चहुंबाजु फुलें.

म्हणुनी उडतां बागडतां,

गरगरगर मंडळ धरितां,

सलील हासत गुणगुणतं.

वस्तुमात्र आनंद दे, तुम्हां काय जगाचे फंद ? २

झुळझुळ मंजुळ गातो निर्मळ झरा, युद्ध जुंपो तीरीं,

पर्वा त्याची काय झर्‍याला ? जीवन तुमचें त्याचपरी.

घडामोड चाले जगतीं,

किति हसती, किति आरडती,

काय तुम्हां त्याची गणती ?

तुम्हि तुमचा आनंद अहाहा ! आनंदांतचि धुंद ! ३

किति धडपडतों अम्ही कीं मिळो आनंदाचा लेश तरी,

तर्‍हा तर्‍हा किति करितो परि तो फसवि अम्हां मृगजळापरी.

अग्निरथीं त्याला बघतों,

शोधित तारांमधिं फिरतों,

व्याप हाच त्या दडपीतो,

दिशाभूल हो अमुची, न मिळे आनंदाचा गंध. ४

पापशून्य, अति निर्मळ ह्रदयीं आनंदाला वास रुचे,

मंदिर सुंदर आनंदाचें ह्रदय म्हणोनिच तें तुमचें.

खोटी लज्जा, राग तसें

खोटें रडणें आणि हंसें-

काय तुम्हां हें सर्व पिसें ?

आनंदति किति डोळे अमुचे बघतां तुमचे वृंद ! ५

गोड चिमुकल्या छबिल्यांनो, या अखंड आनंदांत वसा,

गमावुनि उगिच बेगडी मुलाम्यास नच कधीं फसा,

आनंदाचें दास्य करा,

बळकट त्याची कास धरा,

मग न तयाला वाण जरा,

सकल मनोरथ पुरवो तुमचे आनंदाचा कंद ! ६

Translation - भाषांतर
N/A

कवी - भा. रा. तांबे

ठिकाण - इंदूर

दिनांक - ऑगस्ट १९०६

Last Updated : 2012-10-11T13:13:47.0930000

Comments | अभिप्राय

Comments written here will be public after appropriate moderation.
Like us on Facebook to send us a private message.

storage reservoir

  • = impounding reservoir 
RANDOM WORD

Did you know?

सोळा मासिक श्राद्धें कोणती ?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site