TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|भा. रा. तांबे|संग्रह १|
ललने चल चल लवलाही !

ललने चल चल लवलाही !

भा.रा.तांबे यांच्या कविता अत्यंत हळुवार असून त्या मनाला भिडतात


ललने चल चल लवलाही !

ललितलताकुंजीं स्वरमंजरि, चल चलुं लवलाही,

ललने, चल चलुं लवलाही !

रुचिराधर-धृत-मधुर-नवामृत-लोलुप बहु होई ध्रु०

 

मनोभिरामीं या आरामीं

रमणि, रमूं ये विलासकामी,

उत्सुक झालों बहु जाया ‍मी,

सुखकर ज्योत्सना ही. १

 

ऐकुनि तव रव मंजुल कोमल

वियुक्तकूजितलज्जित कोकिल

वाटे अधिकचि नीडीं लपतिल,

संशय मुळिं नाहीं. २

 

तनुस्पर्श तव शीतल होतां

सुधाकरस्त्रुत सुधा तप्तता

पावेलचि हे वाटे चित्ता,

कर करुणा कांहीं. ३

 

निशिगंधाचा सुगंध सुंदरि,

मुखगंधें तव मंद खरोखरि

होइल, आनंदहि ह्रन्मंदिरिं

उरेल भरुनीही. ४

 

सुमनाचा गे विकास सुंदर,

विलासहासें तव बहु सत्वर

संकोचेलचि पावुनि मत्सर

गमतें मज ह्रदयीं. ५

 

कुंदकळ्या तव दंतपंक्तिला

पाहुनि पडतिल भूमितळाला;

पाहूं चल ये या मौजेला,

माझी विनवणि ही. ६

 

अर्धोन्मीलित कुवलयकलिका

अलसाकुंचित लोचनतिलका

पाहुनि मुकुलित नच होतिल का ?

तरि उपवनिं येईं. ७

 

भ्रुकुटिविलासीं तुझ्या विलासिनि,

कुसुमचाप तो सचाप येउनि,

दास तुझा मज टाकिल करुनी

मंत्रशक्ति तव ही ! ८

Translation - भाषांतर
N/A

कवी - भा. रा. तांबे

जाति - अंजनी

राग - यमकल्याण

ठिकाण - देवास

दिनांक - २ ऑगस्ट १९०३


Last Updated : 2012-10-11T13:13:44.7200000

Comments | अभिप्राय

Comments written here will be public after appropriate moderation.
Like us on Facebook to send us a private message.

phased programme

  • प्रावस्थाकल्पित कार्यक्रम 
  • प्रावस्थाबद्ध कार्यक्रम 
  • अवस्थाकल्पित कार्यक्रम 
  • पु. टप्पाबंद कार्यक्रम 
More meanings
RANDOM WORD

Did you know?

तीन रस्ते एकत्र येऊन मिळतात, त्या ठिकाणास काय म्हणतात
Category : About us!
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.