TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|भा. रा. तांबे|संग्रह १|
हा आणि तो

हा आणि तो

भा.रा.तांबे यांच्या कविता अत्यंत हळुवार असून त्या मनाला भिडतात


हा आणि तो

हा श्रीविलासांत सदैव लोळे,

तो नित्य दारिद्र्यदशाच सोशी;

हा या जगीं मात्र खरा दरिद्री,

तो ? तो खरा श्रीसुख भोगणारा १

हा मानपानांत निमग्न लोकीं,

तो मात्र निर्माल्य जसा जगांत;

हा मान पावे न कधीं खराच,

तो मान्य, तो पूज्य जगांत होई. २

हा नाचतो स्वर्णमय प्रकाशीं;

तो ? तो पडे निर्जन अंधकारी;

हा राहतो घोर घनांधकरीं,

तो ? तो सदा दिव्य अशा प्रकाशीं. ३

हा केंद्र जेथे मिळतात सौख्यें,

तो केंद्र तीं जेथुनि फांकतात;

हा केंद्रबिंदूकृतसौख्य, दुःखी,

तो ओपुनी तीं सुख नित्य भोगी. ४

हा वांचतो शंभर पूर्ण वर्षे,

तो वांचतो मात्र दहाच सारीं;

हा वांचतो शंभरही पळें न,

तो वांचतो कोटि दहाहि वर्षे. ५

हा पुत्रदारापरिवारयुक्त,

तो एकला, कोण जगीं तयास ?

हा एकला या घर कोठलें तें ?

तो मग्न गेहीं वसुधाकुटुंबी. ६

हा पाहतो दूर सभोवताली,

तो ? तो स्वतालाच सदैव पाही;

हा पाहतां सन्निधही बघे ना,

तो पार पाही क्षितिजाचियाही. ७

हा जिंकितो दुर्बलशां सहस्त्रां

तो जिंकितोही प्रबलास एका;

हा सर्व जिंकोनिहि जिंकलेला,

तो जिंकुनी एक सदा यशस्वी ! ८

हा कोण, तो कोण तुला कळे का ?

जाणावयाची तरि काय इच्छा ?

याला महालांत पहा नृपांच्या,

जा शोध त्यालाहि कुठे दर्‍यांत. ९

Translation - भाषांतर
N/A

कवी - भा. रा. तांबे

वृत्त - इंद्रवज्रा

ठिकाण -देवास

दिनांक -फेब्रुवारी १९०३

Last Updated : 2012-10-11T13:13:37.2800000

Comments | अभिप्राय

Comments written here will be public after appropriate moderation.
Like us on Facebook to send us a private message.

saw-dust

  • पु. लाकडाचा भुसा 
  • पु. लाकडी भुसा 
  • लाकूड भुसा 
RANDOM WORD

Did you know?

भीमा माहात्म्य हा ग्रंथ उपलब्ध होइल का?
Category : Puranic Literature
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.