TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|भा. रा. तांबे|संग्रह १|
सखये, या स्थानीं

सखये, या स्थानीं

भा.रा.तांबे यांच्या कविता अत्यंत हळुवार असून त्या मनाला भिडतात


सखये, या स्थानीं

सखये, या स्थानीं ऽ वसावें वाटे दिनरजनीं,

पर्णकुटी बांधूनि तरुतळीं गिरिवरि हरिभजनीं

वसावें वाटे दिनरजनीं. ध्रु०

वनदेवींची रम्य भूमि ही, सकळ इथे जमुनी

समंत्र गायन करिति, घालिती फेर चपल चरणीं. १

वनसुमनांची माळा घालिन तुजला स्वकरांनी,

स्नात मुक्तकच पाहुनि तुज त्या गणितिल निज राणी. २

कविह्रदयांतुनि मंजुळ कवनें, तत्सम गिरिमधुनी

खळखळुनी आवेशें निघती निर्मळ निर्झरिणी. ३

देतिल निर्मळ जळ त्या प्याया मधुर सुधेहूनी,

स्मरणिं आणितिल ते प्रतिघोटीं प्रभुजीची करणी. ४

दाट लागले पहा मनोहर तरु खोर्‍यांमधुनी,

कंद, मुळें अणि फळें अर्पितिल अशना स्वकरांनीं. ५

पापशून्य तीं मधुर भक्षुनी वसतां या विपनीं

निर्मळ, निश्चळ, तृप्त मनानें लागूं हरिचरणीं. ६

सूर्योदयिं गातील तरुवरी पक्षि एकवटुनी,

उदात रस ते भरितिल ह्रदयीं, येइल जल नयनीं. ७

मधुर रवें आळवितां हरिला गिरिशिखरीं बसुनी

दिसशिल तूं भैरवी रागिणी रमणी, रविकिरणीं. ८

वीणा घेउनि करीं रवें तव टाकुं दर्‍या भरुनी;

अदृश्य रूपें वनदेवी मग डुलतिल परोसोनी. ९

कविकुलगुरु उभयता प्राच्य आणि पाश्चात्यहि मिळुनी,

वर्षांचें पळ करितिल मंत्रें गुजगोष्टी कथुनी. १०

सखे, अशांची संगति मिळतां काय उनें विपिनीं ?

नको नको ते मधुमुख विषह्रद् नगरमित्र फिरुनी ! ११

पहा पहा गंभीर धीर हे गिरिवर चहुंकदुनी

मूक कसे वक्‍तृत्व ओपिती श्राव्य दिव्य कर्णी ! १२

प्रभुजीचे उपदेष्टे देती ज्ञान इथे बसुनी,

काय भटें त्यापरी श्रुतींचें दुकान घालोनी ? १३

शांत रम्य या पुण्यभूमिचें दर्शन लाभोनी

महापातकी पवित्र होउनि रत हो हरिभजनीं. १४

नको नको प्रासाद नृपांचे दूषित रक्तांनीं !

कुवासनांचे अकांडतांडव सदा नगरसदनीं ! १५

Translation - भाषांतर
N/A

कवी - भा. रा. तांबे

जाति - पतितपावन

ठिकाण - देवास

दिनांक -फेब्रुवारी १९०३

Last Updated : 2012-10-11T13:13:35.6730000

Comments | अभिप्राय

Comments written here will be public after appropriate moderation.
Like us on Facebook to send us a private message.

आग्रही

  • वि. 
  • निग्रही ; आग्रह धरणारा ; हट्टी ; हेकेखोर . ( विशेषत : निंदाव्यंजक अर्थानें उपयोग ). 
  • चिकाटी - नेट धरणारा . 
  • आग्रह करणारा ; अगत्य दाखविणारा . 
More meanings
RANDOM WORD

Did you know?

दत्तकपुत्र घेण्याविषयी कांही धर्मशास्त्रीय निर्णय आहेत काय?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site