TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|पाळणे|
मथुरेमध्ये अवतार धरिला । ...

कृष्णाचा पाळणा - मथुरेमध्ये अवतार धरिला । ...

कृष्णाचा पाळणा Krishna Palana

कृष्णाचा पाळणा

मथुरेमध्ये अवतार धरिला । कृष्ण देवकीच्या गर्भासी आला ।

तोडून बेड्या बंद सोडिला । चरणांच्या प्रतापे मार्ग दाविला ॥

जो बाळा जो ॥१॥

गोकुळामध्ये श्रीकृष्ण आला । नंदाच्या घरी आनंद झाला ।

गुढ्या तोरणॆ शिखरी बांधिती । कुसुमांचे हार देव वर्षती ॥

जो बाळा जो ॥२॥

तिसर्‍या दिवशी वाजे वाजंत्री । तासे नौबती उत्सव करिती ।

सर्वांच्या मुखी कृष्ण हा शब्द । त्याचे छंदाने नाचे गोविंद ॥

जो बाळा जो ॥३॥

चवथ्या दिवशी चौकी । बाळबाळंतिणीची न्हाणी होती ।

निंबे डाळिंबे नारळ आणिती । सख्या मिळोनी दृष्ट काढिती ॥

जो बाळा जो ॥४॥

पाचव्या दिवशी पाटापूजन । बांधिला फुलवरा वाक्या तोरण ।

सरी बिंदली आंगडे पैरण । खिरी भरल्या ताटे ठेविली वाढून ॥

जो बाळा जो ॥५॥

सहाव्या दिवशी सटवी पूजन । हळदीकुंकवाची देताती वाणं ।

एकमेकीसी सखया होऊन । पानसुपार्‍या खोबरे वाटून ॥

जो बाळा जो ॥६॥

सातव्या दिवशी सटवीचा फेरा । गोपां बाळंतीण आवरुन धरा ।

सांजच्या प्रहरी अंगारा करा । गाई वासरा मुला लेकरा ॥

जो बाळा जो ॥७॥

आठव्या दिवशी आठवी चौकी । गोपा बाळंतीण नवतीस न्हाती ।

सखया मिळोनी जागरण करिती । कृष्णाच्या लीला आनंदे गाती ॥

जो बाळा जो ॥८॥

नवव्या दिवशी नवस केला । खेळणॆ वाहीन तुजला ।

रत्‍नजडीत पालख सजला । वरती श्रीकृष्ण मोदे पहुडला ॥

जो बाळा जो ॥९॥

दहाव्या दिवशी दहावी चौकी । न्हाणी बोळवून सारवल्या भिंती ।

मूठभरल्या ओट्या दिधल्या लावूनी । देव स्वर्गीचे पुष्पे वर्षूनी ॥

जो बाळा जो ॥१०॥

अकराव्या दिवशी अकरावी चौकी । यशोदा बसली मंचकावरती ।

नयनाच्या कोरी काजळ भरी । वाळ्यांचा नाद उमटे मंदिरी ॥

जो बाळा जो ॥११॥

बाराव्या दिवशी बारसे येती । परोपरी पक्कान्ने समये करिती ।

लाडू मोदक पंखा वारिती । खीर भरल्या वाट्या साखर मिळविती ॥

जो बाळा जो ॥१२॥

तेराव्या दिवशी तेरावी चौकी । बारीक जुने नेसूनि येती ।

मोर गर्जती चौखंडा वरती । गाई वासरे मोदे हंबरती ॥

जो बाळा जो ॥१३॥

चवदाव्या दिवशी चवदावी चौकी । नंदी महादेव परतुनी येती ।

बाळ श्रीकृष्ण दर्शने मागती । गोपांचे मीठ बळीराम घेती ॥

जो बाळा जो ॥१४॥

पंधराव्या दिवशी पंधरावी चौकी । नगरीच्या नारी मिळुनी येती ।

पाळण्यामध्ये देव मुरारी । नाव ठेविले श्रीकृष्ण हरी ॥

जो बाळा जो ॥१५॥

सोळाव्या दिवशी सोहळा केला । गोपी गवळणीने कृष्ण आळवीला ।

त्यांच्या हृदयी आनंद झाला । एका जनार्दनी पाळणा गाईला ॥

जो बाळा जो ॥१६॥

Translation - भाषांतर
N/A

Last Updated : 2007-12-09T20:31:41.0430000

Comments | अभिप्राय

Comments written here will be public after appropriate moderation.
Like us on Facebook to send us a private message.

धोंदराट

  • पु. मोठा धडधडणारा विस्तव ; धोकाळ . 
RANDOM WORD

Did you know?

चातुर्मासाचे महत्व स्पष्ट करावे.
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.