TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|मराठी व्याकरण|अलंकारदर्श|अर्थालंकार|
समासोक्ति

अर्थालंकार - समासोक्ति

काव्यास ज्याच्या योगाने शोभा येते त्यास अलंकार असे म्हणतात.


समासोक्ति
श्लोक-
हो प्रस्तुताचे कथनांत भास । अप्रस्तुताचा समजा तयास ॥
तेव्हां समासोक्ति, शशी पहा हा । प्राचीमुखा चुंबितसे अहाहा ! ॥१॥

गद्य-
येथें प्रस्तुत चंद्रोदयवर्णन करणें असतां अप्रस्तुत जें कामुक पुरुषाचें स्त्री-मुख-चुंबन हें गुप्त दाखविलें आहे.

श्लोक-
जिथें होते पूर्वी प्रवहचि तिथें आज पुलिनें ॥
तरि होते जेथें विरल बहु तेथें घन बनें ॥
बहूतां वर्षानीं विपिन दुसरेंसें मज दिसे ॥
जयीं शैला देखे विपिन न दुजें हें गमतसें ॥२॥

गद्य-
सीतेचा त्याग केल्यानंतर राम शूद्र तपस्व्याच्या शोधार्थ दंडकारण्यांत गेला असतां, तेथील पूर्वींचे, व नवीन स्थितींत फेर पडलेला पाहून वर प्रमाणें उद्गार काढले आहेत. येथें वनवर्णन प्रस्तुत असून संपत्ति व विपत्ति एका मागून एक भोगलेल्या पुरुषाचे संबंधानें ग्राम व नगरांचें अप्रस्तुत वर्णन सुचविलें आहे.

श्लोक-
हाले हा स्तनभार, केश सरले, हारावली लोंबळी ॥
गालीं चंचल कुंडलें झळकलीं ये घाम वत्क्रोत्पलीं ॥
वारंवार कर-प्रहार करितां नि:श्वास टाकी जरी ॥
तस्मात्कंदुक तूं कृतार्थ सुतनू सेवी तुला यापरी ॥३॥

गद्य-
यांत लीला-कंदुकाविषयीं वर्णन प्रस्तुत असून विपरीत रतांत सक्त झालेल्या सुंदरीचें अप्रस्तुत वर्णन सुचविलें आहे.
 
आर्या-
फुललेल्या कमलांतुन येथच्छ मधु पिउनिया अली आला ॥
झाला मधुगंध नसे ज्यांत अशा चुंबितो पहा मुकुला ॥४॥

गद्य-
यांत मधुकराचें वर्णन प्रस्तुत पुरुषाचें अप्रस्तुत वर्णन सुचविलें आहे.

Translation - भाषांतर
N/A

References : N/A
Last Updated : 2018-02-23T05:40:07.0170000

Comments | अभिप्राय

Comments written here will be public after appropriate moderation.
Like us on Facebook to send us a private message.

राजाची शालजोडी, ती परटाची पायघडी

  • राजाचे कपडे झाले तरी परटाकडे ते धुवावयास आले म्हणजे तो ते वाटेल तसे वापरतो. 
RANDOM WORD

Did you know?

वास्‍तुदोषावर आरसा काय करतो आरशांचा उपयोग कसा होतो
Category : Hindu - Philosophy
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site