लोकगीत - गीत चौतीसावे

आली पंचमी बुधवारीं । पुसा नक्सीतरावरी ।
रुक्मिणी न्हाणुं आलं । देवई नातु झालं ।
पुज देवई आनंदाला । रुपियाच खन खांब ।
वरचा कळस सोनियाचा । आणल्या त्या गज न काठ्या ।
मोतीयाच्या कोरीव जाळ्या । हेलबाळ्या हेलायाच्या ।
लाजूनी रुक्मिणी । उभी परस वो दारीं ।
कंबरला माचूपट्टा । चालती झरुझरा ।
नेसली जरीस्तार कांठी । चोळी लीली वो बादली ।
विंचरी त्या कुरळ क्यास । नारी गुंफिताती वेणी ।
उभी सूर्या वो संमुख । पड उजेड लकोलका ।
भांग भरला मोतियानं । कानीं लीली भोकरघाट ।
गळ्या दार्पण पुतळ्या । मुख भरलं तांबुलानं ।
नेत्रं भरलीं काजळानं । ललाट भरलं कुंकवानं ।
दलाल भरलं गुललानं । कपाळीं ग आडवी चीरी ।
नाकीं लीली वो वीसुर । पाय भरलं  पैंजणानं ।
बोटं भरली जोडव्यानं  । आली पोलार वाजवीत ।
दिलं  मखमली डेर ।काय न्हाणाचं कौतिक झालं ।
पीटिलं लीटी ठेवून शरण ।