लोकगीत - गीत पंचवीसावे

बाजार मोठा लौकर गाठा
बाजार मोठा लौकर गाठा । मथुरेच्या हाटा तुम्ही चला निघा ग ।
खाल्ल्या आळीच्या वरल्या आळीच्या । चंद्रावळीला तुम्ही हाका मारा ग ।
बाजार आला उशीर झाला ।  मथुरीच्या हाटा तुम्ही चला चला ग ।
बाजार भरला उशीर झाला । नवरा माझा कुंठ गेला?
आड्वं होईल बाई मुरलीवाला ग । बासरीवाला ।
दरव्या की काठीं बगळा बोलतो सारंगी ।
गवळीदादा बोलूं लागला घे गोधन कीं चल घरला ।
आडवा डोंगर सासुरवाशिणीला ।
चिंता पडली रामाला चिंता पडली राधूला ।
गवळीदादा बोलूं लागला घे गोधन कीं चल घरला ।