वासुकिवरप्राप्तिवर्णनम्

बृहदश्व उवाच ।
तमाह भगवान्देवो वासुकिं भयविह्वलम्‍ ।
सतीदेशेऽत्र पुण्योदे सरस्यमरभूषिते ॥१०५॥
धर्मिष्ठै: सहितो नागैर्वसस्वामितविक्रम ।
तस्मिन्‍ सरसि ये स्थान करिष्यन्ति भुजंगमा: ॥१०६॥
तस्य तस्याहिशत्रुर्वै न हनिष्यति जीवितम्‍ ।
सतीदेशे कृतस्थानं तिष्ठन्तमकुतोभयम्‍ ॥१०७॥
न हनिष्यति नागेन्द्र नागारिर्मम वाहन: ।
इति नीलमते वासुकिवरप्राप्तिवर्णनम्‍ ॥७॥