॥ अथ केशरनामगुणाश्च ॥

ज्ञेयं कुङ्कुममग्निशेखरमसृक्काश्मीरजं पीतकं काश्मीरं रुचिरं वरं च पिशुनं रक्तं शठं शोणितम्‌ ।
बाल्हीकं घुसृणं वरेण्यमसूणं कालेयकं जागुडं कान्तं वह्निशिखं च केशरवरं गौरीवाराक्षीरितम्‌ ॥१॥
कुङ्कुमं सुरभितिक्तमटूष्णं कासवातकफकण्ठरुजाघ्रम्‌ ।
मूर्धशूलविषदोषविमोचं रोचनं च तनुकान्तिकरं च ॥२॥
बसन्तकाले घुसृणेन युक्तः कस्तूरिकाचन्दनचारुलेपः ।
आवासितश्चेन्नवमल्लिकाभिस्त्रिदोषजिन्मन्मथजन्मभूमिः ॥३॥