TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

लक्षणे - १०१ ते १०५

समर्थ रामदास स्वामींचा जन्म औरंगाबाद जिल्ह्यात सन १६०८, शके १५३० रोजी झाला.  


लक्षणे - १०१ ते १०५
१०१
संसारीचें दुःख मज वाटे सुख । राघवाचे मुख पाहतांचि ॥१॥
माझें सुख माझ्या राघवाच्या पाई । तेणें मी हृदई निवईन ॥२॥
आम्हां नाहिं चिंता संसारीं असतां । वाचे गुण गातां राघवाचे ॥३॥
रामदास म्हणे राम सीतापती । तेथें मी विश्रांती पावईन ॥४॥

१०२
जगीं धन्य जो रामसूखें निवाला । कथा ऐकतां सर्व तल्लीन जाला ।
देहेभावना रामबोधें उडाली मनोवासना रामरूपीं बुडाली ॥१॥

१०३
ध्यान करूं जातां मन हारपलें । सगुणी जाहालें गुणातीत ॥१॥
जेथें पाहे तेथें राघवाचें ठाण । करीं चापबाण शोभतसे ॥२॥
रामरूपीं दृष्टीं जाऊनी बैसली । सुखें सुखावली न्याहाळीतां ॥३॥
रामदास म्हणे लांचावलें मन । जेथें तेथें ध्यान दिसतसे ॥४॥

१०४
कथानिरूपणें समाधी लागली । वामना त्यागिली अंतरीची ॥१॥
नाहिं आपपर कीर्तनीं तत्पर । मनीं सारासारविचारणा ॥२॥
अर्थारूढ मन श्रवण मनन । होय समाधान निजध्यास ॥३॥
रामी रामदासीं कथेची आवडी । लागलीसे गोदि नीच नवी ॥४॥

१०५
रामनामकथा श्रवणीं पडतां । होय सार्थकता श्रवणाची ॥१॥
मुखें नाम घेतां रूप आठवलें । प्रेम दुणावलें पाहावया ॥२॥
राम माझें मनीं शोभे सिंहासनीं । येकायेकीं ध्यानीं सांपडला ॥३॥
रामदास म्हणे विश्रांती मागेन । जीवाचे सांगेन राघवासी ॥४॥

Translation - भाषांतर
N/A

References : N/A
Last Updated : 2017-11-05T21:11:34.6300000

Comments | अभिप्राय

Comments written here will be public after appropriate moderation.
Like us on Facebook to send us a private message.

लोंबट

  • स्त्री. ( कों . ) 
  • स्त्री. भात , गहूं , वरी , राळा , राजगिरा वगैरेचे कणीस ; धान्याचा तुरा . [ सं . लंब ] 
  • नारळ , पोफळे इ० फळांचा घड , झुपका , समुदाय . 
  • उपद्रव ; त्रास ; झेंगट ; शुक्लकाष्ठ . 
More meanings
RANDOM WORD

Did you know?

आत्म्याची किती आणि कोणती रूपे मानली गेली आहेत?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site