अजिनावतीप्राप्तिकथा

अथादृश्यत वक्त्रेन्दुकान्तिक्षालितदिङ्मुखा ।
धनवत्या समं मात्रा चारुनेत्राजिनावती ॥१५०॥
तस्मंभोगसुखासक्तं राजपुत्रमभाषत ।
तन्माता नेह ते युक्तं स्थातुं बहुरिपोरिति ॥१५१॥
ततस्तद्विद्यया तूर्णं कौशाम्बीं नरवाहनः ।
विद्याधरीभ्यां सहितः प्राप धीमानिव प्रियम् ॥१५२॥
वयस्यैः संगतस्तत्र प्रहृष्टैर्गोमुखादिभिः ।
विवाहे सहसा यातां लेभे वेगवतीमपि ॥१५३॥
विद्याधरीवृतं पुत्रं प्राप्तं वत्सनरेश्वरः ।
ज्ञात्वा न््द देवीभ्यां सामात्यो विहितोत्सवः ॥१५४॥
इत्यजिनावतीप्राप्तिकथा ॥६॥