TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

श्लोक ११ ते १५
मातरं पितरं भ्रातॄन्पतीन्पुत्रान्स्वसॄरपि । यदर्थे जहिम दाशार्ह दुस्त्यजान्स्वजनान्प्रभो ॥११॥

जयाचे प्रीतीकारणें आम्हीं । मातापितरें त्यजिलीं स्वामी । बंधुवर्गाच्या स्नेहसंभ्रमीं । गोत्रधर्मीं सांडवलों ॥७६॥
मातापितरीं जयाचे हातीं । विवाह करूनि गृह्योक्तरीती । अर्पिलें तया तनूचें पति । त्यागूनि श्रीपति आश्रयिला ॥७७॥
पुन्नाम नरकापासूनि त्राते । त्यागूनि ऐसिया स्वपुत्रांतें । आम्ही अनुसरलों श्रीकृष्णातें । चित्तें वित्तें जीवितेंसी ॥७८॥
स्वया म्हणिजे आत्मभगिनी । आता माउशा नणंदा वहिनी । त्यागूं न शकवे दुःखेंकरूनी । त्यांतें त्यागूनि हरि भजलों ॥७९॥
दुस्त्यज स्वजनांचा समुदाय । आम्हीं त्यागिला वमनप्राय । ज्याकारणें तो यादवराय । आम्हां तृणप्राय त्यजूनि गेला ॥८०॥
आमुचें ऐसें अनन्यपण । ऐकें यावरी तयाचें नैर्घृण्य । अल्पसें कथितों तुजलागून । सावधान तें ऐक ॥८१॥

ता नः सद्यः परित्यज्य गतः संच्छिन्नसौहृदः । कथं नु तादृशं स्त्रीभिर्न श्रद्धीयेत भाषितम् ॥१२॥

आम्ही सर्वस्वत्यागपरा । कृष्णपदभजनीं तत्परा । आणि तो स्नेह छेदूनि त्वरा । गेला चोरासमसाम्य ॥८२॥
चोर जैसा प्रवेशे मळां । पुष्पां पल्लवां फळां मूळां । छेदूनि जातां त्या कळवळा । न वसे कोवळा हृत्पद्मीं ॥८३॥
आपुल्या कार्यापुरता रिगे । पुढती परतोनि न पाहे मागें । आम्हां तैसेंचि या श्रीरंगें । सौहार्दभंगें उपेक्षिलें ॥८४॥
ऐसें ऐकूनि बळराम म्हणे । तुम्ही प्रतिबंध त्याकारणें । जाते समयीं कवण्या गुणें । न केला हें मज सांगा ॥८५॥
त्याचिया वचनाच्या विश्वासें । तुम्ही म्हणाल गुंतलों ऐसें । विश्वास कवणेपरीचा असे । चित्तोल्लासें तो वदिजे ॥८६॥
तरी बहु वाचाळ ज्याची वाणी । वक्तृत्व अमृता उणें आणी । नानाविधा कौशल्यश्रेणी । जो निज वचनीं जग भुलवी ॥८७॥
तैसिये परीचें मृदु भाषित । ऐकोनि स्त्रिया श्रद्धान्वित । कां पां न होती विश्वासवंत । हें निश्चित जाणावें ॥८८॥
ऐशा बोलिल्या एक वनिता । तंव अपरा वदती विरहतप्ता । तें तूं ऐकें कौरवनाथा । पुण्यवंता परीक्षिति ॥८९॥

कथं नु गृह्णंत्यनवस्थितात्मनो वचः कृतघ्नस्य बुधाः पुरस्त्रियः ।
गृह्णंति वै चित्रकथस्य सुंदरस्मितावलोकोच्छ्वसितस्मरातुराः ॥१३॥

अपरा बल्लवी म्हणती बाई । जेथ वसतो तये ठायीं । नागरा ललना तरी काई । विश्वासती तद्वचनीं ॥९०॥
आत्मा म्हणिजे मानस कुटिळ । देहचेष्टांचें तैसेंचि शीळ । तद्वाक्य मानूनि सत्य केवळ । अंगिकारिती केंवि वधू ॥९१॥
कायावाचामनेंकरून । अनवस्थित जो निर्वाहहीन । सत्य मानूनि त्याचें वचन । पुरस्त्रीजन केंवि भुले ॥९२॥
आम्ही मुग्धा कुग्रामवंता । स्मरमोहिता चातुर्यरहिता । कृतघ्नाचिया वचनामृता । भुललों निश्चिता अबुधपणें ॥९३॥
त्या तंव नागरी चातुर्यराशि । केंवि ऐसिया कृतघ्नासी । जाणत्या भुलल्या हें मानसीं । आश्चर्य आम्हांसी बहु वाटे ॥९४॥
हें ऐकोनि आणिका वदती । त्याचें नवल मानणें किती । कितवाचिया कैतवयुक्ति । भुलवूं शकतीं ब्रह्मादिकां ॥९५॥
रुचिर मधुर विचित्र कथा । डोळे मोडूनि हांसे कथितां । युवा लावण्यभरित पुरता । स्मरक्षोभकता या चिह्नीं ॥९६॥
ऐसिया कृतघ्नाचिया वाणी । रसाळ रुचती ऐकतां श्रवणीं । लावण्यइंगितें पाहतां नयनीं । स्मर क्षोभूनि तनु तावी ॥९७॥
यास्तव स्मरातुरा नागरा । कृतघ्नाचिया मधुरोत्तरा । गृहिणी सादर मन्मथतंत्रा । हें वधूनिकरा नवल नव्हे ॥९८॥
आंगीं नवयौवनाचें पिसें । कामज्वराचा पाचवा असे । त्यावरी कितवें मंत्रविशेषें । माधुर्यरसें भुलविल्या ॥९९॥
कां पां न घेती त्याचें वचन । यदर्थी मानिजे आश्चर्य कोण । हरिणा गोरीचें गायन । कीं करणा मोहन तन्मात्रीं ॥१००॥
हें ऐकूनि अपरा म्हणती । ऐका गोपी हो समस्ती । काय न सरे तुम्हांप्रति । गोष्टींवाचूनि तयाचिया ॥१॥

किं नस्तत्कथया गोप्यः कथाः कथयताऽपराः । यात्यस्माभिर्विना कालो यदि तस्य तथैव नः ॥१४॥

त्यावांचूनि आमुचा काळ । क्रमत आहे कीं केवळ । आम्हांवांचूनिं घटिका पळ । त्याचें अळुमाळ अडलेंसे ॥२॥
त्याचिया कथा कथूनि वृथा । किमर्थ सखेद करितां चित्ता । इत्यर्थ मम मुखें आइका पुरता । हेतुगर्भिता वाक्यांचा ॥३॥
एवं काळ दोनी ठायीं । क्रमत असे राहत नाहें । त्यामाजी रहस्य तें चतुरांहीं । इतुकें हृदयीं जाणावें ॥४॥
पुरवनितांसीं त्याचा काळ । सुखें क्रमतो सदा सफळ । आम्हां दुःखाची तळमळ । सर्वकाळ तद्विरहें ॥१०५॥
ये श्लोकींचा हा ध्वनितार्थ । वाखाणिला इत्थंभूत । यावरी कृष्णाचें इंगित । स्मरोनि रुदत तें ऐका ॥६॥

इति प्रहसितं शौरेर्जल्पितं चारु वीक्षितम् । गतिं प्रेमपरिष्वंगं स्मरंत्यो रुरुदुः स्त्रियः ॥१५॥

इत्यादिवचनीं चाटु चटुल । श्रीकृष्णाचें कैतवशीळ । रामा वदोनि बल्लवीमेळ । इंगितें सकळ स्मरताती ॥७॥
श्रीकृष्णाचें सुन्दर हास्य । जेणें प्रकटें मन्मथावेश । जल्पित म्हणिजे भाषण सुरस । जें सुधारस तुच्छ करी ॥८॥
व्यंकटकटाक्षनिरीक्षणें । स्मितापाङ्गें तरळ पाहणें । श्रीकृष्णाच्या अवलोकनें । होय पारणें देखणिया ॥९॥
कुंजर मयूर हंस गति । कृष्ण चालतां शिक्षा घेती । मल्लमर्दना वीरवृत्ति । चाले मृगपतिविक्रमें ॥११०॥
ज्याचे गतीचा पदविन्यास । लक्षूनि शिक्षिती निजमानस । होऊनि भवस्वर्गीं उदास । परमहंस आत्मरत ॥११॥
श्रीकृष्णाची विन्यासगति । मानससरोवरीं वसती । करूनि हंस अभ्यासिती । मुक्तप्रवृत्ति गिळूनियां ॥१२॥
दुर्लभ श्रीकृष्णचरणीं गति । पावावया गिरिजापति । आनंदवनीं धरूनि वसती । अद्यापि करिती तपश्चर्या ॥१३॥
कृष्णप्रेमाचा परिष्वंग । लक्षूनि अनंग झाला साङ्ग । कमला पदसेवाप्रसंग । आदरी संग वांछूनियां ॥१४॥
कृष्णहृदय हृदयीं जडे । प्रेमसुखाच्या सुरवाडें । तेव्हां आकल्प हृद्रोग उडे । मागें पुढें आनंद ॥११५॥
वांछूनि कृष्णाचें आलिङ्गन । निष्काय सत्कर्मफळाशा स्तन । सगुण निर्गुण भावना कठिन । पावती समाधान परिष्वंगें ॥१६॥
कृष्णपरिष्वंगाची गोडी । एक लक्ष्मीच जाणे फुडी । अभेदभावाचिये आवडी । चरण न सोडी अद्यापि ॥१७॥
प्रेमपरिष्वंगाची इच्छा । झालिया न रमे विषयां तुच्छा । इहामुत्रार्थीं करूनि कुत्सा । रमिजे स्वइच्छा हरिहृदयीं ॥१८॥
कृष्णहृदया हृदय मिळे । द्वैतदैन्य तैं मावळे । अपरोक्षस्वानंदसुखसोहळे । भोगिजे स्वलीलेमाजिवडे ॥१९॥
वनस्थ शीतोष्णसहनशील । त्वग्मूळ पत्र पुष्प सफळ । अवंचक जे भूतदयाळ । तपस्वी केवळ दृढनेमी ॥१२०॥
ऐसे तरुवर वृंदावनीं । लवले पल्लवफळप्रसूनीं । पतिव्रतालतालिङ्गनीं । कॄष्णालिङ्गना सकाम जे ॥२१॥
जाणोनि तयांचें तपःसाहस । कृपेनें द्रवोनि हृषीकेश । करूनि वनमाळेचें मिस । हृदयीं तयांसि आलिङ्गी ॥२२॥
हास्य भाषण अवलोकन । गतिविन्यास आलिङ्गन । हृदयीं स्मरोनि गोपीगण । करिती रुदन कुरुवर्या ॥२३॥
विरहविह्वळ बल्लवीगण । कृष्णप्रेमें करितां रुदन । कृपेनें द्रवला संकर्षण । करी सान्त्वन तें ऐका ॥२४॥

Translation - भाषांतर
N/A

References : N/A
Last Updated : 2017-05-10T21:36:50.5700000

Comments | अभिप्राय

Comments written here will be public after appropriate moderation.
Like us on Facebook to send us a private message.

हलक्याचें छेडावें, वाईट ऐकून घ्यावें

  • हलकट मनुष्याच्या तोंडीं लागूं नये नाहींतर तो बोलेल तें ऐकून घ्यावें लागतें. 
RANDOM WORD

Did you know?

पितापुत्र अथवा भाउ भाउ एकाच नक्षत्रावर जन्मले असता त्याचे काय परिणाम होतात? उपाय काय?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.