TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

अध्याय ४४ वा - श्लोक ११ ते १५

श्रीकृष्णदयार्णवकृत हरिवरदा


श्लोक ११ ते १५
वल्गतः शत्रुमभितः कृष्णस्व वदनांबुजम् । वीक्षतां श्रमवार्युप्तं पद्मकोशभिवांबुभिः ॥११॥

पहा सखिया हो कौतुक । शत्रुजयार्थ नंदतोक । आवेशें प्रयत्नपूर्वक । झोंबे सम्यक चहूंकडूनी ॥७७॥
अभितः म्हणिजे सर्वांकडूनी । शत्रु आकळी चक्रपाणि । तेणें श्रमांबु उमटलें वदनीं । जेंवि जीवनीं अब्जकळिका ॥७८॥

किं न पश्यत रामस्य मुखमाताम्रलोचनम् । मुष्टिकं प्रति सामर्षं हाससंरंभशोभितम् ॥१२॥

कां न पहा रामवदन । आवेशें आरक्त लोचन । मुष्टिकातें दटावून । शोभायमान सस्मित ॥७९॥
अधर चावूनि उभय रदनीं । अभंग प्रताप मल्लकदनीं । वीरलक्ष्मी सस्मितवदनीं । पाहतां सज्जनीं धणी न पुरे ॥८०॥

पुण्या बत व्रजभुवो यदयं नृलिंगगूढः पुराणपुरुषो वनचित्रमाल्यः ।
गाः पालयन्सहबलः क्कणयंश्च वेणुं विक्रीडयांचति गिरित्ररमार्चितांघ्रिः ॥१३॥

तंव अन्यवनिता म्हणती बाई । पुण्यवंत हे व्रजींची भोई । जया कारणास्तव इये ठायीं । शेषशायी अवतरला ॥८१॥
पुराणपुरुष जो श्रीपति । घेऊनि नरदेहाची बुंथी । आच्छादूनि ऐश्वर्यशक्ति । गोपाकृति नटलासे ॥८२॥
विचित्र वनसंभवें सुमनें । कंठीं मुगुटीं कृतभूषणें । क्रीडेसहित संकर्षणें । रक्षित गोधनें होत्साता ॥८३॥
वेदव्याख्यानीं जो प्रवीणु । स्वयें अध्यापी कमलासनु । तो येथ धरूनि प्रणववेणु । करी क्कणन निजवदनें ॥८४॥
गिरीश धरूनि कपि आकृति । रमा होवोनि सीता सती । ज्याचे पादाब्ज अर्चिती । तो गोपति गोगोप्ता ॥८५॥
ऐशा धन्य व्रजींच्या भूमी । क्रीडतां निवती श्रीपादपद्मीं । धिग् धिग् निर्दैवा पैं आम्ही । देखों श्रमीं समरंगीं ॥८६॥
सभासदस्य अन्यायपर । न करिती बळाबळविचार । बाळांसमान मल्ल क्रूर । करितां धिक्कार समस्तां ॥८७॥
बलिष्ठ मल्ल बाळकांवरी । घालूनि निग्रहूं पाहती समरीं । धिग् धिग् ऐसे सभाधिकारी । पडती अघोरीं महानरकीं ॥८८॥
तंव येरी म्हणती आमुचें पुण्य । परम अल्प साधारण । यास्तव अनवसरीं कृष्ण । आमुचे नयन विलोकिती ॥८९॥
पैल गोपींचीं महा तपें । पुण्यें नुमानवतींचि मापें । जिहीं श्रीकृष्ण क्रीडाकल्पें । यथासंकल्पें सेविला ॥९०॥
ऐशी वामदृशांची ग्लानि । गोपी सभाग्य हरिक्रीडनीं । श्लोकत्रयें बादरायणि । नृपा लागूनि निरूपी ॥९१॥

गोप्यस्तपः किमचरन्यदमुण्य रूपं लावण्यसारमसमोर्ध्वमनन्यसिद्धम् ।
दृग्भिः पिबंत्यनुसवाभिनवं दुरापमेकांतधाम यशसः श्रिय ऐश्वयस्य ॥१४॥

काय आचरल्या गोपी तपें । तया पुण्याच्या साक्षेपें । लक्ष्मी वेधिली जया रूपें । तें ज्या सोपें विलोकिती ॥९२॥
अनंतकौटिकंदर्पकांति । कुरवंडूनि टाकिजे परती । तें लावण्यसार कृष्णाकृति । गोपी प्राशिती निजनयनें ॥९३॥
ब्रह्मांडसंदोहा माझारी । लावण्यसमता कोणी न करी तेथ अधिक लावण्यपरी । वदतां वैखरी सलज्ज ॥९४॥
अलंकारें लावण्य विविध । त्यासी बोलिजे अन्यसिद्ध । ऐश्वर्यलक्ष्मी जे स्वतःसिद्ध । तें धाम प्रसिद्ध अनन्य ॥९५॥
एवं आभरणांवांचून । ज्याचें लावण्य शोभायमान । त्रिजगीं ऐश्वर्य शोभवी पूर्ण । गोपीनयन प्राशिती तें ॥९६॥
मधुप मधुपानें उन्मत्त । लावण्यामृत नूतन नित्य । प्राशितां गोपीनयन मत्त । पूर्णसुकृत यास्तव तें ॥९७॥
यशःश्रीचें एकांतधाम । ब्रह्मादिकांसि दुर्लभ परम । तो लावण्यसुखसंभ्रम । गोपी निःसीम भोगिती ॥९८॥
कैसकैश्या कोणे समयीं । कोण क्रीडा कोणे ठायीं । कैसी लावण्यसुखनवाई । भोगिती तेंही अवधारा ॥९९॥

या दोहनेऽवहनने मथनोपलेपप्रेंखेंखनार्भरुदितोक्षणमार्जनादौ ।
गायंति चैनमनुरक्तधियोऽश्रुकंठ्य धन्या व्रजस्त्रिय उरुक्रमचित्तयानाः ॥१५॥

व्रजस्त्रिया ज्या दोहनकाळीं । लावण्यरूपी श्रीवनमाळी । आठवूनियां हृदयकमळीं । गाती स्नेहाळी तच्छंदें ॥१००॥
दोहनपात्रीं वाजती धारा । सानुरागें जगदुद्धारा । गाती तच्छेंदें सुन्दरा । पुणें सधरा व्रजरामा ॥१॥
एकी करितां कणकंडना । सप्रेम गाती मधुसूदना । एकी करितां दधिमंथना । गाती कृष्णा अनुरक्ता ॥२॥
एकी सारवितां स्वसदनें । हरिगुण गाती सप्रेमवदनें । एकी हालविती पाळणे । कृष्णगायनें रंगोनी ॥३॥
लेंकुरा बुझाविते अवसरीं । वदनीं गाती कैटभारि । सडासमार्जन करितां घरीं । पूतनारि वधू गाती ॥४॥
गातां अनुरागें मुकुन्द । सबाह्य पावती परमानंद । अनेक जन्मींचा विसरती खेद । तो आह्लाद विधि नेणे ॥१०५॥
बुद्धि रंगल्या कृष्णगुणीं । आनंदाश्रु स्रवती नयनीं । धन्य धन्य त्या व्रजकामिनी । कृष्णचिंतनीं अनुरक्ता ॥६॥
विशाळ ज्याचा पदविन्यास । उरुक्रमनामें बोलिजे त्यास । त्रिविक्रम तो हृषीकेश । व्रजवनितांस सुखसेव्य ॥७॥
चित्तें रंगल्या उरुक्रमीं । म्हणूनि न वधी संसारऊर्मीं । धन्या व्रजवधू वर्ततां धामीं । तें न देखों आम्ही दुर्भाग्यें ॥८॥
आणखी म्हणती अहोरात्र । नित्यनूतन कृष्णचरित्र । सादर पाहती त्यांचे नेत्र । तेंही समग्र अवधारा ॥९॥

Translation - भाषांतर
N/A

References : N/A
Last Updated : 2017-05-08T03:52:23.9670000

Comments | अभिप्राय

Comments written here will be public after appropriate moderation.
Like us on Facebook to send us a private message.

rutinose

  • न. Bot., Chem. रुटिनोज 
RANDOM WORD

Did you know?

अंत्येष्टी म्हणजे काय ?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.