TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|बांदकरमहाराजांची पदे|
श्री पांडुरंगाचीं पदें

श्री पांडुरंगाचीं पदें

श्रीसद्गुरु कृष्ण जगन्नाथ भट्ट बांदकरमहाराज.


श्री पांडुरंगाचीं पदें
पद १ लें -
लक्ष लागों निजपदीं पांडुरंगा । न क्षणभरि यिषयिं या जिवाचें अलक्ष आत्म विचारें ॥ल०॥धृ०॥
भ्रमतां करुनि संसारिं रुक्मिणि रमण पहा मी श्रमलों धरुनियां कुमति संगा । दमुनि बहुत तुज नमुनि विनवितों अनात्मत्व परिहारें ॥ल०॥१॥
छंद हृदयिं सच्चिदानंद आपणचि अनुभवें घोटिन न भुलतां दृष्य रंगा । संग रहित निःसंग होउनि श्री सद्गुरु वचन द्वारें ॥ल०॥२॥
वैष्णव सद्गुरु कृष्ण जगन्नाथ तुला सदैव आठवी अद्वयात्मा अभंगा । नव नव हर्षद स्वस्वरुपामृत सेविन निरहंकारें ॥लक्ष लागो निज पदीं पांडुरंगा॥३॥

पद २ रें -
धांव दुरित भंगा हरुनि दुःख संगा । दावि निजात्म रंगा रुक्मिणी पांडुरंगा ॥धृ०॥
कामक्रोधादिक रिपु गांजिति सारे । विषय विष सदृश मारक सारे । जनन मरण देति साहुं कसा रे । दाखविं नयनि मुख कमल ॥धांव०॥१॥
किति विनवुं मि तुज नित्य असा रे । जवळिं असुनि बसविसि कां घसा रे । तुजसाठीं घडि घडि होय मी पिसा रे । पाहेन मूर्ति शामल ॥धा०॥२॥
विष्णु कृष्ण जगन्नाथ स्मरण रसा रे । सेउनियां लक्षी निज आत्म कसा रे । मानुनि सकल मिथ्या दृष्य पसारा रे । भजनें हरिसि मानस मळ ॥धांव दुरित भंगा हरुनि दुःख संगा॥३॥

पद ३ रें -
यारे यारे पाहुं पांडुरंग पंढरीचा । भक्तांसाठीं प्रगटला सागा कृपेचा ॥धृ०॥
मुख विलोकितां हरि सुखमय चित्त करी । शंख चक्र पद्म गदा शोभे चतुर्भुज करीं । जीवन जिवाचा प्राणपति भीमकेचा ॥या०॥१॥
बाल वृद्ध सर्व याती, टाळ विणे घेउनि हाती । मुखें विठ्ठल विठ्ठल गाती, सप्रेम दिवस राती । गर्दी मोठी दाट वोट थाटचि मजेचा ॥या०॥२॥
विष्णु कृष्ण जगन्नाथ, विठ्ठल पंढरिनाथ । नारायण वासुदेव, गोविंद गोपाल गात । अखंडानंद घोंटित मूळ जो परेचा ॥यारे यारे पाहुं पांडुरंग पंढरीचा ॥३॥

पद ४ थें -
आजि भला आमुचा दिवस सोनियाचा । परिपूर्ण जाहला प्रेम डोळियाचा ॥धृ०॥
इटेवरि पाहिला देव पंढरीचा । कटीवर कर सोभे हार कुंदरीचा ॥आ०॥१॥
लखलखीत मस्तकीं मुकुट सुवर्णाचा । वरि हिरे चमकती झगमग रत्नाचा ॥आ०॥२॥
करी विणा टाळ किति थाट सज्जनाचा । मुखिं रामकृश्ण हरी छंद भजनाचा ॥आ०॥३॥
मधुर मधुर उठविती शब्द मृदंगाचा । निःसिम गाती ज्या प्रेम अभंगाचा ॥आ०॥४॥
विष्णु कृष्ण जगन्नाथ ह्मणुनि नाचा । हाचि मार्ग समजा मोक्ष साधनाचा ॥आजि भला आमुचा दिवस सोनियाचा॥५॥

Translation - भाषांतर
N/A

References : N/A
Last Updated : 2017-03-11T19:57:21.6530000

Comments | अभिप्राय

Comments written here will be public after appropriate moderation.
Like us on Facebook to send us a private message.

विक्रयण

  • पुन . विकणें ; विकरा ; मोल घेऊन देणें . [ सं . वि + क्री = विकत घेणें ] विक्रयानुशय - पु . ( कायदा ) परत करण्याच्या बोलीनें केलेली खरेदी ; जांगड . [ सं . विक्रय + अनुशय ] विक्रयी , विक्रेता - वि . विकणारा . ( समासांत ) अश्व - घृत - तैल - रस - कार्पास - गो - धान्य - अपत्य - सुवर्ण - प्रतिमा - वेद - विद्या - पशु - शरीर - भार्या - विक्रयी . हे सर्व विक्रेते निषिध्द आहेत . [ सं . क्री ] विक्रा - स्त्री . विकरा पहा . विकणें . पैशाच्या मोहांत अब्रूचा विक्रा करणारी अमंगळ स्त्री मी . - बहकलेली तरुणी १ . [ सं . विक्रय ] विक्रीत - वि . विकलेला . [ सं . क्री ] विक्रूत - वि . ( अशिष्ट ) विकलेला ; विकत घेतलेला . ( क्रि० देणें = विकणें ; घेणें = विकत घेणें ). [ सं . विक्रीत जाण्यास शक्य , जरूर , योग्य ; विकाऊ . [ सं . ] 
RANDOM WORD

Did you know?

'डांबिस' हा शब्द मराठी कि कुठल्या भाषेतून आलाय ? त्याचा अर्थ किंवा उगम कोणता?
Category : Dictionary
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site