TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|बांदकरमहाराजांची पदे|
कारणदेह निवारण

कारणदेह निवारण

श्रीसद्गुरु कृष्ण जगन्नाथ भट्ट बांदकरमहाराज


कारणदेह निवारण
॥ श्रीसद्गुरु पदारविंदा भ्योनमः ॥ अथ कारणदेह निवारण प्रारंभः ॥
कारणदेहाचा विचार । सांगों जातां ग्रंथ फार । वाढला तो श्रोते नर । क्षमावंत असावे ॥१॥
दृष्यानिविद्ध समाधीस । साधु जाणती बहुवस । दृश्य सोडोनी आपणास । पाहूं जातां भांबावे ॥२॥
आपण आपण होऊनि रहा म्हणतां साधकासी पहा । कारणदेहाचा अडथळा हा । कैसा तो ही ऐकावा ॥३॥
दृश्य सोडोनी आपण आहे । तेथें कारणदेह आहे । म्हणे मज मी कैसा पाहे । असतांचि नकळे ॥४॥
कोणी एक तोंडोंविण । झालों म्हणे मी आपण । कोणी करा हो शोधन । तोंड मज नाहीं कीं ॥५॥
आतां कैसें करूं बा मी । मज कैसा कळेल मी । ऐसा संभ्रमाच्या भ्रमीं । पडे खरा साधक ॥६॥
ऐसें कळेना तयासी । कैसा तोंडेंवीण बोलसी । तैसा आपण आपणासी । कोठें म्हणुनी पूसतो ॥७॥
स्वप्नीं आपलें मरण । पाहूनि रडतो आपण । जरी मरता हा आपण । रडता कैसा सांगा कीं ॥८॥
तैसा कर्ता जो साधन । पुसे गुरुसी आपण जाऊन । तोंडें बोलतो आपण । तोंडें कोठें सांगा हो ॥९॥
कोणी एकासी जाळिलें । फिरूनि गाडगें फोडीलें । क्रिया कर्मांतर केलें । म्हणूनि रडे आपण ॥१०॥
आतां असों हे दृष्टांत । आपण आपणा पाहूं जात । दृश्य जैसें पाहत । तैसें पाहें आपणा ॥११॥
डोळा डोळ्यासी पाहणें । कानें कानासी ऐकणें । जिव्हे जिव्हेसी बोलणें । तैसें जाण आपणा ॥१२॥
येथें सद्गुरु अपेक्षा । अवश्य लागे त्या साधका । मग सुखी होतो देखा । परोपरी आठवी ॥१३॥
साधु समागम नसतां । उपयोगा ना विप्तन्नता । अंध लोकां काठी देतां । कांहीं धरी अवसान ॥१४॥
परी पुढें डोळे नसतां । मार्ग दिसेना तत्वता । रोगाविष्टा जर्जरता । होतां गती नये ती ॥१५॥
मग तो काठी घेऊनि उठे । उठूनि मग तो उभा ठे । चालण्याची तजवीज पडे । वांकड विंचुका चालतो ॥१६॥
बालक जैसा अनुक्रमें । कुसी उपडा गोडामगे । उंभराचा चढतां परमे । भिती धरूनी उभा ठे ॥१७॥
तैसी परी साधकाची । करितां साधनाची साची । होय तेथें सद्गुरुची । गरज लागे ॥१८॥
व्यास वसे सभ्या पाशी । कारणदेह आयित्यासी । गांठ पडतां नारदासी । साक्षात्कारी झाला तो ॥१९॥
शद्बानुविद्ध समाधीस । अंगिकारी सावकाश । तरीच केले ते सायास । सफळ होती साधकां ॥२०॥
न कळे आपणा आपण । ऐसें म्हणतां कळतो पण ।न कळे ऐसें तें नेणणें । तेंही मज भासलें ॥२१॥
नाहीं मी जें कां कल्पिलें । तेही मज पुढें असे ठेले । शुन्य साक्षित्व मी भलें । केलें कैसें जाणावें ॥२२॥
मज मी न कळे ऐसें म्हणतां । आपण आहे गा तत्वता । तोचि आपुली आपण होतां । संकट पडे तयासी ॥२३॥
मी हें किती सांगों आतां । जाऊनि पुसा सद्गुरुनाथा । शास्त्र निर्णय करितां । आहे नाहीं न ठरे ॥२४॥
सत्त असत्त सदसत्त । भिन्न अभिन्न न कळत । सभाग्य निर्भाग्य म्हणत । उभयरूप नव्हे तें ॥२५॥
वैष्णवांसी शरण जावें । कारणदेह निरसावे । महाकारणीं पडावें । तेंचि ऐका सांगतों ॥२६॥
इति श्रीलघुआत्ममथने गुरु शिष्य कथने कारणदेह निवारण चतुर्थपद समाप्तः ॥ श्रीरामचंद्रार्पणमस्तु ॥

Translation - भाषांतर
N/A

References : N/A
Last Updated : 2018-01-17T19:14:59.3730000

Comments | अभिप्राय

Comments written here will be public after appropriate moderation.
Like us on Facebook to send us a private message.

उपाध्या होण्यास, नलगे सायास

  • अध्ययनावांचूनहि भिक्षुकी करतां येते तेव्हां भिक्षुकीपेषा म्हणजे खरी विद्वत्ता नव्हे. मूळ इंग्रजी म्हण अशीः The habit does not make the priest. सवि ३३८५. 
RANDOM WORD

Did you know?

कोणतीही ही पूजा करण्याआधी संकल्प कां करावा?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.