TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
संस्कृत सूची|शास्त्रः|तंत्र शास्त्रः|श्रीशक्तिसङ्ग्मतन्त्रम्|
त्रयःपञ्चाशतिः पटलः ।

श्रीशक्तिसङ्ग्मतन्त्रम् - त्रयःपञ्चाशतिः पटलः ।

तंत्र शास्त्र भारताची एक प्राचीन विद्या आहे. तंत्र ग्रंथ भगवान शिवाच्या मुखातून प्रकट झाले आहेत. त्यांना पवित्र आणि प्रामाणिक मानले आहेत.
Tantra shastra is a secret and most powerful science of the Indian culture and religion. It is a most powerful science which Indian Rushis have practised for centuries and still it is in practise.


त्रयःपञ्चाशतिः पटलः ।
श्रीदेव्युवाच ।
देवेश श्रोतुमिच्छामि रहस्यातिरहस्यकम् ।
श्रीशिव उवाच ।
गोपितं त्रिषु लोकेषु तदेव कथ्यते श्रृणु ॥१॥
भूअमु दशसहस्रं च यन्त्रं लिख्य प्रयत्नतः ।
प्रतिवारं मार्जयेद्धि वाञ्छासिद्धिमवाप्नुयात् ॥२॥
भूमौ विलिख्य देवेशि यन्नाम्ना मार्जयेत् कृती ।
तमेवाकर्षयेद्देवि वर्षं मार्गस्थितोsपि चेत् ॥३॥
विशेषेण लिखेद्भूमौ दाहयेदविचारयन् ।
अष्टोत्तरसहस्रं च कृत्वा रामां समाश्रयेत् ॥४॥
सिन्दूरेण लिखेद् भूमौ तर्जन्या मार्जयेत्कृती ।
तर्जनीधारणाद्देवि यत्फलं परिकीर्तितम् ॥५॥
तत्फलं समवाप्नोति नात्र कार्या विचारणा ।
तत्तत्स्थानेषु देवेशि लेखनाद्धारणादपि ॥६॥
मार्जनादपि देवेशि तदेव फलमाप्नुयात् ।
फलप्रदादिपुष्पाणां होमे यत्फलमीरितम् ॥७॥
तत्फलं पूजनेनापि फलं नैवेद्यतोsपि च ।
स्वस्याशक्तौ प्रतिनिधिद्वारा वा कारयेत्कृती ॥८॥
भ्राता पुत्रः पिता माता स्नुषा च रमणी तथा ।
पौत्रो गुरुस्तत्सुतश्च प्रोक्तः प्रतिनिधिर्नव ॥९॥
भ्रात्रादिपौत्रपर्यन्तं दद्यादाभरणानि च ।
सर्वस्वदानं गुर्वादौ अन्येषां तु विशेषतः ॥१०॥
उपासनायां देवेशि न च प्रतिनिधिः स्मृतः ।
साम्राज्यहोमे देवेशि तथा पोषणकर्मणि ॥११॥
प्रोक्तः प्रतिनिधिर्देवि स्वेष्टकृत्यं स्वयं चरेत् ।
यथाथर्वणहोमादौ सूक्तं सूक्तं च होमयेत् ॥१२॥
ऋग्विधौ ऋक् समाख्याता जपहौमविधौ तथा ।
यथा प्रतिनिधिः प्रोक्तस्तथाsत्र न प्रकीर्तितः ॥१३॥
यन्त्रं संस्थापयेद्देवि सर्वसिद्धिप्रदायकम् ।
स्वर्णे रौप्ये शिरोवस्त्रे कटिवस्त्रे तथा मणौ ॥१४॥
गारुडे पद्मरागे च पुष्परागे विशेषतः ।
गोमेदे हीरके नीले वैडूर्ये परिसेsपि च ॥१५॥
चतुर्विधे हीरके च तथा स्पर्शचतुर्विधे ।
प्रवाले धारयेद्देवि यथोक्तफलमाप्नुयात् ॥१६॥
स्वर्णे सर्वार्थसंसिद्धिः रौप्ये सुतसमृद्धिमान् ।
वस्त्रे सन्धारणाद्देवि दिव्यकामो नरो भवेत् ॥१७॥
शिरोवस्त्रे तु सन्धार्यं त्रैलोक्यरक्षणाय च ।
त्रैलोक्यमोहनायापि वैरिनिर्दलनाय च ॥१८॥
कटिवस्त्रे लिखेद्देवि वायुतुल्यो बली भवेत् ।
तथावरणवस्त्रेषु कामतुल्यः स्वरूपधृक् ॥१९॥
त्रैलोक्यविजयित्वं च भवेद्गारुत्मते शिवे ।
पद्मरागे शत्रुहन्ता जयकर्त्ता महामतिः ॥२०॥
महेन्द्रसदृशो भूयान्नात्र कार्या विचारणा ।
पुष्परागे लिखेन्मुद्रां धारयेत्पूर्ववत् प्रिये ॥२१॥
सूर्यकोटिप्रतीकाशः प्रतापकीर्तिमान् भवेत् ।
गोमेदे विलिखेद्यन्त्रं धारयेद्दक्षिणे करे ॥२२॥
सिद्धगन्धर्वतुल्यः स्यात्काव्ये वाचस्पर्तियथा ।
हीरके धारयेद्यस्तु मुद्रां पदमदुर्लभाम् ॥२३॥
त्रैलोक्याकर्षको भूयाद् विद्यामधुमतीजपात् ।
जङ्गमस्थावराणां च समुद्राकर्षणं चरेत् ॥२४॥
नदीं पुरीं च रत्नानिं हेमस्त्रीशैलभूरुहान् ।
अलभ्यान्यपि वस्तूनि दूराद् भूमितलादपि ॥२५॥
त्रैलोक्याकर्षणकरो वज्रमुद्राविधारणात् ।
इन्द्रनीले लिखेन्मुद्रां धारयेत्करपङ्कजे ॥२६॥
महेन्द्रसदृशो भूयाच्छक्रकर्ता नरो भवेत् ।
ऐश्वर्ये राजराजेशः प्रतापे भास्करो यथा ॥२७॥
बुद्ध्या नीलासमो लोके भवत्येव न संशयः ।
वैडूर्ये धारयेद्यस्तु किं तद्यन्न करे स्थितम् ॥२८॥
परिसे धारणाद्देवि कालीतारामयो भवेत् ।
कालीतारा स्पर्शमणिः जपात्स्पर्शमणिं लभेत् ॥२९॥
इतोsपि सिद्धिबाहुल्यं मया वक्तुं न शक्यते ।
ब्रवाले वश्यसिद्धिः स्यात् स्फाटिके कीर्तिरुत्तमा ॥३०॥
धारणाद्यत्फलं प्रोक्तं दुर्गमुद्रासबीजकम् ।
फलमेतन्महेशानि रहस्यातिरहस्यकम् ॥३१॥
चतुर्विधेsपि यन्त्रेsपि फलमेतत्प्रकीर्तितम् ।
वीजयन्त्राण्यपि शिवे धारयेदेवमेव तु ॥
रहस्यातिरहस्यञ्च किमन्यच्छ्रोतुमिच्छसि ॥३२॥

इति श्रीशक्तिसङ्गममहातन्त्रराजे उत्तरभागे द्वितीयखण्डे श्रीमदक्षोभ्यमहोग्रतारासंवादे मुद्रासंक्षेपो नाम त्रयःपञ्चाशतिः पटलः ।

Translation - भाषांतर
N/A

References : N/A
Last Updated : 2018-01-17T19:37:48.3470000

Comments | अभिप्राय

Comments written here will be public after appropriate moderation.
Like us on Facebook to send us a private message.

rear

  • न. पश्च 
  • स्त्री. पिछाडी 
  • पश्च, मागचा 
  • (to breed and raise) परिपालन करणे 
More meanings
RANDOM WORD

Did you know?

ADHYAY 43 OF GURUCHARITRA IS WRONGLY PRINTED AND ADHYAY 47 AND 48 ARE SAME KINDLY CHANGE or make correction for it
Category : About us!
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.