TransLiteral Foundation
संस्कृत सूची|शास्त्रः|तंत्र शास्त्रः|श्रीशक्तिसङ्ग्मतन्त्रम्|
चतुश्चत्वारिंशतिः पटलः ।

श्रीशक्तिसङ्ग्मतन्त्रम् - चतुश्चत्वारिंशतिः पटलः ।

तंत्र शास्त्र भारताची एक प्राचीन विद्या आहे. तंत्र ग्रंथ भगवान शिवाच्या मुखातून प्रकट झाले आहेत. त्यांना पवित्र आणि प्रामाणिक मानले आहेत.
Tantra shastra is a secret and most powerful science of the Indian culture and religion. It is a most powerful science which Indian Rushis have practised for centuries and still it is in practise.


चतुश्चत्वारिंशतिः पटलः ।
श्रीदेव्युवाच ।
देवेश श्रोतुमिच्छामि सुन्दरीसाधनक्रमम् ।
श्रीशिव उवाच ।
रहस्यातिरहस्यं च तव स्नेहात्प्रकाश्यते ॥१॥
गोपनीयं गोपनीयं गोपनीयं स्वयोनिवत् ।
सिद्धमन्त्रपरो भूत्वा वीरसाधनमाचरेत् ॥२॥
सर्वेषां जीवहीनानां जन्तूनां फलकृद् भवेत् ।
नान्यत् सिद्धिप्रदं देवि वीरसाधनवर्जितम् ॥३॥
श्रीविद्या शिथिला देवि क्लेशसाध्या कलौ ध्रुवम् ।
अल्पाचारादधर्मत्वाद् भ्रष्टत्वादपि पार्वति ॥४॥
कलौ पापसमाकीर्णे कस्य वै निश्चलं मनः ।
सर्वदोषैः समायुक्तो वीरसाधनसंयुतः ॥५॥
स एव सिद्धिदो देवि नात्र कार्या विचारणा ।
न वै सिद्धिर्न वै सिद्धिर्वीरसाधनमन्तरा ॥६॥
महापातकसंयुक्तो वीरसाधनसंयुतः ।
स एव सिद्धिदो लोके सर्वदेवनमस्कृतः ॥७॥
याममात्रेण संसिद्धिर्वीरसाधनयोगतः ।
अष्टम्यां च चतुर्दश्यां पक्षयोरुभयोरपि ॥८॥
सार्धयामोत्तरं देवि वीरसाधनमाचरेत् ।
तरुणं सुन्दरं शूरं संमुखे रसवर्तिनम् ॥९॥
पलायनविशून्यं च महावीरशवं हरेत् ।
यष्टिविद्धं विद्धं चाण्डालाद्यभिभूतकम् ॥१०॥
खङ्गविषहतं विद्धं चाण्डालाद्यभिभूतकम् ।
शीघ्रसिद्धिप्रदं देवि पूर्वोक्ताष्टशवं त्यजेत् ॥११॥
वीरवेषं समासाम्यं वीरचर्य्यां समाचरेत् ।
पूर्ववत् तिलकं कृत्वा बलिद्रव्याणि चाहरेत् ॥१२॥
मंत्र वा साधयिष्यामि देहं वा पातयाम्यहम् ।
प्रतिज्ञामीदृशीं कृत्वा बलिद्रव्यानि संग्रहेत् ॥१३॥
मेषमाहिषमार्जारछागकुक्कुटकुञ्जरान् ।
गुडपायससंपातो मोदकान् पूपलड्डुकान् ॥१४॥
जम्बीरपनसादीनि नाना स्वादूनि पार्वति ।
फलानि चाहरेद्देवि ताम्बूलाद्यैः समन्वितः ॥१५॥
जातीपत्रं तत्फलं च कङ्कोलं विजया तथा ।
कस्तूरीकुङ्कुमादीनि भक्ष्यद्रव्याणि यानि च ॥१६॥
तानि सर्वाणि संगृह्य यथोक्तं स्थानमाचरेत् ।
बिल्वमूले प्रान्तरे वा शून्यागारे नदीतटे ॥१७॥
समुद्रे विपिने घोरे श्मशाने चत्वरे तथा ।
गङ्गागर्भे तडागे च कामिनीमण्डलेsपि च ॥१८॥
एकलिङ्गे विशेषेण वनमध्ये विशेषतः ।
वीरवेषं समासाद्यं वीरसाधनमाचरेत् ॥१९॥
सिद्धमन्त्रं पुरस्कृत्वा देवतादर्शओत्सुकः ।
सार्धयामोत्तरं देवि वीरसाधनमाचरेत् ॥२०॥
खदिरानष्टकीलादैर्वितस्तैर्वा हरेच्छिवे ।
दशदिक्षु क्षिपेद्देवि दिक्पालेभ्यो बलिं हरेत् ॥२१॥
दिग्बन्धनं समाचर्य साम्राज्यमण्डलक्रमात् ।
विद्यामण्डलमार्गेण महाविद्यादिमार्गतः ॥२२॥
श्मशानदेवताभ्यो हि बलिं यत्नेन दापयेत् ।
राजराजेश्वरायाsथ बलिं यत्नेन दापयेत् ॥२३॥
ततः श्रीकुरुकुल्लायै चाण्डाल्यै तदनन्तरम् ।
बटुकयोगिनीक्षेत्रपालगाणपभूतये ॥२४॥
देवता ललिताधीशः सर्वोभ्यो बलिमाहरेत् ।
बलिदानं समभ्यर्च्य वीरसाधनमाचरेत् ॥२५॥
वीरं संक्षाल्य यत्नेन सिन्दूराङ्कितभालकः ।
कज्जलमञ्जनं तैलं कस्तूरीकुङ्कुमान्वितम् ॥२६॥
ताम्बूलं मुखमध्यं च दुग्धेनोत्सर्गमाचरेत् ।
वीरं संक्षाल्य यत्नेन कारणेन सुरेश्वरि ॥२७॥
मासप्रधानं नैवेद्यं मत्स्यान्मुद्रां तथैव च ।
दत्त्वा यत्नेन देवेशि लवङ्गैलादिसंयुतः ॥२८॥
कर्पूरवासितं धूपं गन्धाद्यष्टौ च पञ्च च ।
षोडशाङ्गं दशाङ्गं वा अष्टादशसमन्वितम् ॥२९॥
श्रीखण्डधूपो देवेशि तथा चागुरुसम्भवः ।
गुग्गुलं लोहबाणश्च रालश्च देवदारुकः ॥३०॥
लाक्षा गूडश्च वा देवि गोघृतं शकराञ्च वा ।
मांसीनखं च वा देवि कर्पूरमेकमेव वा ॥३१॥
श्रीखण्डमगुरुं चापि गन्धसारं शिलारसम् ।
मलयोद्भवसारञ्च विद्याया युग्मभेदतः ॥३२॥
दशविद्याक्रमेणैव कीर्तितन्तु मया तव ।
देवदारुमयो धूपः सर्वभूतविनाशकः ॥३३॥
एवं सन्धूप्य यत्नेन खङ्गहस्तो भवेद् ध्रुवम् ।
मुक्तकेशो दिशावासो दूरे चोत्तरसाधकान् ॥३४॥
दीपं प्रज्वाल्य यत्नेन न च विघ्नैः समाकुलः ।
मध्ये वीरं तु संस्थाप्य झुटिकाबन्धनं चरेत् ॥३५॥
पृष्ठदेशे लिखेद्यन्त्रं पादबन्धनमाचरेत् ।
मुखबन्धं मुखे दत्त्वा हयारोहक्रमेण च ॥३६॥
अचूडकं पूर्वभागे मृदु दक्षिणगोचरे।
कोमलं पश्चिमायां च त्रिमुण्डमुत्तरे भवेत् ॥३७॥
ततो मृतकमन्त्रेण मृतकं पूजयेत्क्रमात् ।
वीरार्गलाघोरमन्त्रैश्चक्रपाशुपतास्त्रकैः ॥३८॥
जयदुर्गाख्यमन्त्रोsपि वीरप्रार्थनकृन्मनुः ।
तिलोsसीति यवाख्यो हि मनवः परिकीर्तिताः ॥३९॥
स्वस्वस्थाने नियुञ्जीत यथोक्तेन तु वर्त्मना ।
ऋषिच्छन्दादिकं ज्ञात्वा यथोक्तं ध्यानमाचरेत् ॥४०॥
स्वेष्टदेवं तु सम्पूज्य साङ्गं सावरणं प्रिये ।
प~चोपचारैर्वा पूज्य जपं कुर्यादनन्यधीः ॥४१॥
भयं न कुर्याद्देवेशि स्वप्नवद्भावयेज्जगत् ।
देवताः खेचराः सिद्धा भैरवा यातुधानकाः ॥४२॥
आयान्ति छलनार्थं च भयं तत्र न कारयेत् ।
व्याघ्राः शस्त्राणि सर्पाद्या वृश्चिकाः क्रूरजन्तवः ॥४३॥
वक्रक्रूराणि रूपाणि समुद्रस्वर्गपातनम् ।
मृताश्च पूर्वजाः सर्वे राजकीयातनास्तथा ॥४४॥
नीलं वा प्राप्यते देवि कुक्कुटं चामृतं च वा ।
तृणीकृत्य च तत्सर्वं दृढभावसमन्वितः ॥४५॥
प्रजपेद्यत्नतो देवि देवता वरदा भवेत् ।
संस्कृतं वक्ति या चाग्रे सा देवी परिकीर्तिता ॥४६॥
तस्या वरस्तु संग्राह्यस्त्रिवारं वक्ति सा शिवा ।
ब्राह्मणः संस्कृतं वक्ति भैरवः सम्प्रकीर्तितः ॥४७॥
तया यदुच्यते देवि या बलिर्याच्यते तया ।
तान् दद्याद्यत्नतो देवि नरकुञ्जरमाहिषान् ॥४८॥
शालीपिष्टमयान् कृत्वा यवक्षोदमयानपि ।
दिनान्तरे तु तद्दद्याद् वरं गृह्य सुखी भवेत् ॥४९॥
वीरादि सर्वसामग्रीं गर्तमध्ये विनिक्षिपेत् ।
वीरयुद्धं तत्र भूयात् दृढस्तत्र नरो भवेत् ॥५०॥
एकविंशद्दिनं यावत्तावत्संगोपयेत्स्वयम् ।
गीतं श्रुत्वा तु वधिरः स्त्रीसङ्गाद् रोगभाग् भवेत् ॥५१॥
होमहीने न सिद्धिः स्याद् द्विजभोजविहीनके ।
दरिद्रस्तु भवे वि सर्वं संसाधयेद् ध्रुवम् ॥५२॥
बिल्वपत्रोदकं पीत्वा सर्वं संसाधयेद् ध्रवम् ।
अष्टादशविधो देवि शक्तिपातः प्रजायते ॥५३॥
षष्टिसिद्धीश्वरो भूयान्नात्र कार्या विचारणा ।
अणिमाद्यष्टसिद्धीनामधीशो धार्मिकः कृती ॥५४॥
ब्रह्माण्डगोलके या च या काचिज्जगतीतले ।
समस्ताः सिद्धयो देवि तस्य पादे व्यवस्थिताः ॥५५॥
भैरवाः खेचरा यक्षाः किन्नराश्चाप्सरोगणाः ।
यातुधानास्तथा नागा दानवा दैत्यराक्षसाः ॥५६॥
कुष्माण्डाश्च तथा भूताः पिशाचाः प्रेतजातयः ।
निवातकवचाश्चान्ये तथैव ब्रह्मराक्षसाः ॥५७॥
वेतालाश्च तथा साध्याः सिद्धाश्च यक्षिणीगणाः ।
राकिनीकिन्नरीसंघा भूतिनीचेटकादयः ॥।५८॥
महेन्द्रजालमिन्द्रादिजालं पादगतं भवेत् ।
सुरयोत्सर्गमासाद्य तेन सिद्धीश्वरो भवेत् ॥५९॥
गुडार्दकरसेनैव सुरा तु ब्राह्मणस्य च ।
गोपनीयं गोपनीयं गोपनीयं स्वयोनिवत् ॥६०॥
रहस्यातिरहस्यञ्च रहस्यातिरहस्यकम् ।
प्राणा देयाः शिरो देयं न देया साधना वरा ॥६१॥
इति विद्याविधौ प्रोक्ता श्रीविद्यायां विशेषतः ।
बटुके क्षेत्रपालेsपि गाणपे शाङ्करेsपि च ॥६२॥
साधनेयं मया प्रोक्ता गोपनीयं स्वयोनिवत् ।
इति संक्षेपतः प्रोक्तं किमन्यच्छोतुमिच्छसि ॥६३॥

इति श्रीशक्तिसङ्गममहातन्त्रराजे उत्तरभागे द्वितीयखण्डे श्रीमदक्षोभ्यमहोग्रतारासंवादे सुन्दरीसाधनं नाम चतुश्चत्वारिंशतिः पटलः ।

Translation - भाषांतर
N/A

References : N/A
Last Updated : 2016-11-11T12:48:37.2030000

Comments | अभिप्राय

Comments written here will be public after appropriate moderation.
Like us on Facebook to send us a private message.

मैत्रेय (कौशारव)

  • n. एक सुविख्यात आचार्य एवं तत्त्वज्ञानी । ऐतरेय ब्राह्मण में इसे ‘कौशारव’ नामक आचार्य का पैतृक अथवा मातृक नाम बताया गया है, एवं इसके द्वारा सुत्वन् कैरिशय राजा को ‘ब्राह्मण परिमर’ विद्या प्रदान की जाने की कथा दी गयी है [ऐ.ब्रा.८.२८.१८] 
  • नामः n. पाणिनि के अनुसार, यह मित्रेयु नामक आचार्य का पुत्र था, जिस कारण इसे ‘मैत्रेय’ पैतृक नाम प्राप्त हुआ [पा.सू.६.४.१७४,७.३.२] । छांदोग्य उपनिषद के अनुसार, यह किसी मित्रा नामक स्त्री का पुत्र था, जिस कारण इसे ‘मैत्रेय’ यह मातृक नाम प्राप्त हुआ था [छां.उ.१.१२.१] । भागवत में इसे कुषारव एवं मित्रा का पुत्र कहा गया हैं, जिस कारण इसे ‘कौषारव’ अथवा ‘कौषरवि’ पैतृक उपाधि प्राप्त हुयी होगी [भा.३.४.२६, ३६, ५.१७] । युधिष्ठिर की मयसभा में भी यह उपस्थित था [म.स.४.८] 
  • दुर्योधन को शाप n. जिस समय पांडव वनवास में थे, उस समय व्यास के आदेशानुसार, यह धृतराष्ट्र एवं दुर्योधन के पास उन्हें पाण्डवो के बल-पौरुष का ज्ञान कराने के लिए गया था । इसने दुर्योधन को बार बार समझाया, एवं अनुरोध किया, ‘तुम पाण्डवो से द्रोह मत करो’। किन्तु दुर्योधन ने हँसते हुए इसकी खिल्ली उडाई, एवं जॉंघ ठोकते हुए इसके द्वारा दिये गये उपदेश का अनादर किया । तब इसने क्रोधावेश में दुर्योधन को शाप दिया, ‘तुम्हारी यह जंघा भीम की गदा के द्वारा भग्न होगी । यदि अब भी तुम पाण्डवों से मित्रता स्थापित करने को तैयार हो, तो मेरी यह शापवाणी व्यर्थ हो सकती है, अन्यथा नहीं’ [म.व.११.३२] 
  • व्यास-मैत्रेय संवाद n. मैत्रेय धार्मिय प्रवृत्ति का ऋषि था, एवं ऋषि मुनियों के सत्संग के कारण, यह ज्ञानी, दानी एवं वेदमार्ग का अनुसरण करनेवाला हुआ था । यह एकान्त में रहना विशेष पसंद करता था । एक बार वाराणसी में यह गुप्तरुप से एक स्वैरिणी के घर में रहता था । यकायक श्री व्यास ने वहॉं आ कर इसे दर्शन दिया । मैत्रेय व्यास को देख कर अति प्रसन्न हुआ, एवं इसने उसकी विधिवत पूजा की । पश्चात् इसने व्यास से विज्ञान, ज्ञान एवं तप के संबंध नानाविध प्रश्न किये, एवं व्यास ने उन प्रश्नों के यथोचित जवाब दे कर इसे आत्मज्ञान कराया । विद्या, ज्ञान, एवं तप का ज्ञान करानेवाला यह ‘व्यास-मैत्रेय संवाद’ महाभारत में प्राप्त है [म.अनु.१२०-१२२] 
More meanings
RANDOM WORD

Did you know?

I want Ganesh Puran marathi book which is on your site by Balbheem Bhat.
Category : Puranic Literature
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.