TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
संस्कृत सूची|शास्त्रः|तंत्र शास्त्रः|श्रीशक्तिसङ्ग्मतन्त्रम्|
त्रयस्त्रिंशतिः पटलः ।

श्रीशक्तिसङ्ग्मतन्त्रम् - त्रयस्त्रिंशतिः पटलः ।

तंत्र शास्त्र भारताची एक प्राचीन विद्या आहे. तंत्र ग्रंथ भगवान शिवाच्या मुखातून प्रकट झाले आहेत. त्यांना पवित्र आणि प्रामाणिक मानले आहेत.
Tantra shastra is a secret and most powerful science of the Indian culture and religion. It is a most powerful science which Indian Rushis have practised for centuries and still it is in practise.


त्रयस्त्रिंशतिः पटलः ।
श्रीदेव्युवाच ।
देवेश श्रोतुमिच्छामि पूर्वोक्तं च रहस्यकम् ।
श्रीशिव उवाच ।
पञ्चमुद्राख्यसङ्केते मुख्यसङ्केतकं श्रृणु ॥१॥
पानं पञ्चविधे प्रोक्तं महादिव्यादिभेदतः ।
महादिव्यं तथा दिव्यं वीरश्चैव महापशुः ॥२॥
पशुबन्धः पशुश्चेति पञ्चधा परिकीर्तितम् ।
प्राणाअपानौ समाहारौ प्रत्याहारो मनःस्थिरम् ॥३॥
भानुमण्डलकं भित्वा इन्दुमण्डलमध्यगम् ।
सुषुम्नावर्त्मनि नित्यं सुधाधारापकर्षिणी ॥४॥
दिव्यपानमिदं प्रोक्तं सर्वसिद्धिकरं परम् ।
महादिव्यामिद प्रोक्तं श्रृणु दिव्यं महेश्वरी ॥५॥
दिव्यं देवाग्रतः पानमुत्तमं वीरपानकम् ।
त्यक्तसर्वाशयोन्मूलवासनामलसंचयः ॥६॥
कौलिकाचारयोगेन पञ्चतत्त्वेन तर्पयेत् ।
षट्चक्रक्रमभेदेन हुनेद्द्रव्यंसमन्त्रकम् ॥७॥
\ध्यानार्चनपरावस्था वीरपानमनुत्तमम् ।
उद्वासनोत्तरं देवि वीरपानं तुदुच्यते ॥८॥
वीरपानं द्विधा प्रोक्तं पशुपानं श्रृणु प्रिये ।
वीरपाने पूर्ववीरः परस्तु पशुरित्पति ॥९॥
आसक्तलोलुपो दम्भो मन्त्रार्थे त्वप्रसङ्गतः ।
कामुकः कामनिर्देशः पशुपानं तदुच्यते ॥१०॥
सर्वैः कुलीनैः स्थित्वा तु विना पूजां सुगर्वितैः ।
यत्पानं क्रियते देवि पशुपानं तदुच्यते ॥११॥
अन्योsपि श्रृणु देवेशि पशुपानक्रमं शिवे ।
एकाकी मद्यपानी य एकांकी शक्तिभूक् प्रिये ॥१२॥
माहेश्वररम्यं संकीर्गं न कदापिं करोति चेत् ।
पशुयानमिदं प्रोक्तं महदारिद्रयदायकम् ॥१३॥
विना मन्त्रं विना दीक्षां विना गुरुमुख्यात्प्रिये ।
यत्पानं क्रियते मुर्खैंः पशुपानं विदुर्बुधाः ॥१४॥
पशुस्तु त्रिविधः प्रोक्तः पशुपानं पूर्वेणसह भैरवे ।
एकाकी पाननिरतः पशुरित्यभिधीयते ॥१५॥
दीक्षितो निन्दको यस्तु द्वितीयः परिकीर्तितः ।
अदीक्षितः क्रियाहीनो मन्त्रमन्त्रविवर्जितः ॥१६॥
महापशुरिति प्रोक्तः कौलवामौ श्रृणु प्रिये ।
वामे रामा रतियुता बलिपत्रं तु दक्षिणे ॥१७॥
पानपात्रं महेशानि वामहस्तेन तर्पकः ।
महाकौलो महेशानि भूमौ संस्थाप्य तर्पयेत् ॥१८॥
हस्तद्वयेन चेद्देवि कौल इत्यभिधियते ।
वामदक्षव्यत्ययेन वीरकौलः प्रकीर्तितः ॥१९॥
अलिपात्रं वामपाणौ दक्षहस्तेन तर्पयेत् ।
वामगौडस्तु सम्प्रोक्तश्चैतन्याख्यः स एव हि ॥२०॥
भूमौ स्थाप्य महेशानि हस्तयुग्मेन तर्पयेत् ।
आनन्दाख्यस्तु सम्प्रोक्तो वाम इत्यभिधीयते ॥२१॥
पूजायां देवदेवेशि केरले दक्षहस्ततः ।
गौडे वामकरेणैव पूजां च तर्पयामि च ॥२२॥
तर्पयामि पूजयामि नमश्चैव त्रिभागशः ।
आदौ मध्ये तथा चान्ते भिन्नं भिन्नं च वा प्रिये ॥२३॥
दक्षेणैव महेशानि केवलं पूजयामि च ।
तर्पयामि ततः प्रोच्य हृदाद्यन्तं समुच्चरेत् ॥२४॥
एतेsत्र सम्प्रदायाश्च मया प्रोक्ता महेश्वरि ।
सिद्धचैतन्यनामा च विलासाख्यस्ततः परम् ॥२५॥
सत्यचैतन्यनामा च सिद्धाख्यश्च तदुत्तरम् ।
चैतन्यादि विलासी तु सिद्धप्रज्ञाभिधस्ततः ॥२६॥
सिद्धप्रज्ञाभिधश्चैव दिव्यानन्दाभिधस्ततः ।
सिद्धबोधानन्दसंज्ञो दिव्यचैतन्यसंज्ञिकः ॥२७॥
सिद्धबोधस्ततः प्रोक्तो दिव्यचैतन्यसंज्ञिकः ।
दिव्यप्रज्ञाननाथाख्यो दिव्याद्वैतश्च शाश्वती ॥२८॥
शाम्भवाद्वैतनामा च मेधाद्वैताभिधस्ततः ।
एते षोडश संप्रोक्ताः केवलं तर्पणक्रमात् ॥२९॥
अन्ये भेदा विस्तरेण रहस्ये परिकीर्तिताः ।
गोपनीयं गोपनीयं स्वयोनिरपरा यथा ।
इति संक्षेपतः प्रोक्तो मुद्रासङ्केत उत्तमः ॥३०॥

इति श्रीशक्तिसङ्गममहातन्त्रराजे उत्तरभागे द्वितीयखण्डे श्रीमदक्षोभ्यमहोग्रतारासंवादे पानसङ्कतकं नाम त्रयस्त्रिंशतिः पटलः ।

Translation - भाषांतर
N/A

References : N/A
Last Updated : 2016-11-11T12:48:36.5600000

Comments | अभिप्राय

Comments written here will be public after appropriate moderation.
Like us on Facebook to send us a private message.

सळनळीत

  • वि. 
    1. सरळ ; थेट ; ताठ ; सीधा ; संधिरहित .
    2. अगदीं ; निःशेष . उदा० सळनळीत उभा = थेट उभा ; किंचितहि बांक नसलेला . सळनळीत नागवा = अगदीं नग्न , निर्वस्त्र .
     
RANDOM WORD

Did you know?

How do I contact you?
Category : About us!
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Latest Pages

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.