TransLiteral Foundation
संस्कृत सूची|शास्त्रः|तंत्र शास्त्रः|श्रीशक्तिसङ्ग्मतन्त्रम्|
एकादशः पटलः ।

श्रीशक्तिसङ्ग्मतन्त्रम् - एकादशः पटलः ।

तंत्र शास्त्र भारताची एक प्राचीन विद्या आहे. तंत्र ग्रंथ भगवान शिवाच्या मुखातून प्रकट झाले आहेत. त्यांना पवित्र आणि प्रामाणिक मानले आहेत.
Tantra shastra is a secret and most powerful science of the Indian culture and religion. It is a most powerful science which Indian Rushis have practised for centuries and still it is in practise.


एकादशः पटलः ।
श्रीशिव उवाच ।
निर्गुणत्वं मया प्रोक्तं किमन्यच्छ्रोतुमिच्छसि ।
श्री काल्युवाच ।
आदिनाथ महाकाल सर्वभूतहितां वर ॥१॥
त्वत्तः श्रुता महाविद्या दशसंख्यासमन्विताः ।
लघुपूर्वा महाविद्या दशसंख्यैव कीर्तिताः ॥२॥
त्रयोदश महाविद्या विरूपाक्षेण कीर्तिताः ।
तथा षोडश वै विद्या भैरवेण प्रदर्शिताः ॥३॥
देवीमते महाविद्या सिद्धविद्याsपि देवते ।
त्रिशक्तिः कथिता देव त्रिशक्तिस्त्रिविधा मता ॥४॥
काली तारा छिन्नमस्ता त्रिशक्तिः परिकीर्तिता ।
बाला पञ्चदशी देव षोडशी त्रिरिति स्मृता ॥५॥
त्रिशक्तिलक्ष्मीः छिन्नायां त्रिशक्तित्वं च कीर्तितम् ।
सर्वं त्वया निगदितं पूर्वोक्तं तत्र कीर्तितम् ॥६॥
यत्किमप्यतिगोप्यं हि प्रायशः परमेश्वर ।
गोप्याद्गोप्यतरं देव तदद्य कथयस्व मे ॥७॥
ईश्वर उवाच ।
सहस्रनामस्तोत्रेषु कवचेष्वपि पार्वति ।
तत्कवचादिकं प्रोक्तं सा वै कार्या पुरष्क्रिया ॥८॥
यत्र नोक्ता पुरश्चर्या तत्र किं वा विधीयते ।
अयुतं तु पुरश्चर्या स्तोत्रमात्रे प्रकीर्तिता ॥९॥
सहस्रनामकवचे पुरश्चर्या त्वियं मता ।
एवं पुरष्क्रियां कृत्वा दशांशहवनादिकम् ॥१०॥
तर्पणं मार्जनं देवि कुत्रचित्परिकीर्तितम् ।
महाकालमतेनोक्तं तत्रस्थं चेत् समाचरेत् ॥११॥
ब्राह्मणभोजनं चान्ते सर्वथा कारयेत् प्रिये ।
विप्रसन्तोषणेनव सर्वं सिध्यति पार्वति ॥१२॥
हवनं तु कथं कार्यं पुरश्चर्या कथं भवेत् ।
सहस्रनामरूपं च कीदृशं परमेश्वरि ॥१३॥
तथा कवचकं देवि किं रूपं परिकीर्तितम् ।
शिवदेव्यास्तु संवादो ब्रह्मरन्ध्रेति कीर्तितम् ॥१४॥
अन्ये श्लोकाः केशतुल्या ऋषिः शिव इतीरितः ।
छन्दो मुखं भवेद्देवि देवता हृदयं भवेत् ॥१५॥
बीजं गुह्यमिति प्रोक्तं शक्तिस्तु परगा मता ।
सर्वांगकल्पनं देवि ह्यर्थवादः प्रकीर्तितः ॥१६॥
स्तोत्रमध्ये स्थितं यद्यत्तत्सर्वं स्तोत्ररूपकम् ।
एवं च देवदेवेशि स्तोत्ररूपं प्रकीर्तितम् ॥१७॥
तदेव कवचं देवि त्वाद्योपान्तं पठेत्प्रिये ।
अङ्गहीने भवेन्नाशं सर्वथा परमेश्वरि ॥१८॥
फलं स्तुत्यादिके देवि गतिरित्यभिधीयते ।
आद्योपान्तं विना देवि फलमर्धं प्रकीर्तितम् ॥१९॥
अत्रार्थे प्रत्ययो देवि पञ्चाङ्गाद्या यथा स्मृताः ।
होमं कार्यं कथं देवि श्लोकान्ते हवनं च वा ॥२०॥
हवनं कवचादीनां शृणु यत्नेन साम्प्रतम् ।
आद्योपान्तं पठित्वा तु पश्चात्तु हवनं मतम् ॥२१॥
अथवा देवदेवेशि नामान्ते हवनं मतम् ।
श्रीदेव्युवाच ।
नामान्ते हवनं चेत्स्यात् उपोद्धाते कथं भवेत् ॥२२॥
कवचादौ कथं कार्यं कवचं मन्त्ररूपकम् ।
तत्र नामान्तकं वापि श्लोकान्तं परमेश्वर ॥२३॥
सम्पूर्णं वापि कर्तव्यं होमकर्मणि शंकर ।
ईश्वर उवाच ।
साङ्ख्यायनमते देवि गौडपाठविधिर्मता ॥२४॥
पठनीयानि नामानि मध्यस्थानि महेश्वरि ।
श्लोकर्धं पादमात्रं वा पादार्धं नाममात्रकम् ॥२५॥
मध्यस्थं नामसाहस्रं पठेद्यत्नेन सुव्रते ।
साङ्ख्यायनमतं प्रोक्तं उप्द्धातं शृणु प्रिये ॥२६॥
उपोद्धातोपसंहारो श्लोकान्ते हवनं मतम् ।
तदन्ते हवनं कुर्यात् इति साङ्ख्यायनोsब्रवीत् ॥२७॥
कवचादावपि प्रिये मन्त्रान्ते हवनं भवेत् ।
उपक्रमोपसंहारे श्लोकान्ते हवनं मतम् ॥२८॥
आदौ पूर्णं तु सम्पठ्य तथैवान्ते महेश्वरि ।
मध्ये नामानि पाठ्यानि पुरश्चर्या प्रकीर्तिता ॥२९॥
काश्मीराख्यक्रमेदेवि शृणु यत्नेन साम्प्रतम् ।
स्तोत्रमावर्त्य संपूर्ण तदन्ते गणनां चरेत् ॥३०॥
सम्पूर्णक्रमयोगस्तु काश्मीराख्यः प्रकीर्तितः ।
सम्पूर्णहोमयोगस्तु कथितस्तु प्रियंवदे ॥३१॥
मार्जनाभिषेचनं कर्म कुर्यादत्र महेश्वरि ।
काश्मीरकेरलारूपे तु क्कचिद्भदोsस्ति पार्वति ॥३२॥
अनेनैव क्रमेणैव कवचे होम ईरितः ।
कवचे तर्पणाद्यं वा कार्यं यत्नेन धीमता ॥३३॥
सारूप्यं कवचाख्यं तु सायुज्यं स्तोत्रमीरितम् ।
सान्निध्यं नामसाहस्रं त्रितयं परिकीर्तितम् ॥३४॥
सालोका वाक् स्तुतिर्देवि तस्मात्पूर्णं पठत्सुधीः ।
अयमेव महादेवि केरलेsपि प्रकीर्तितः ॥३५॥
पाठमात्रे त्विदं प्रोक्तं होमादौ परिकीर्तितम् ।
कामरूपागमे होमाः श्लोकान्ते कवचं पठेत् ॥३६॥
कामरूपागमे नाम्नि मते चाक्षोभ्यनिर्मिते ।
श्लोकान्ते हवनं प्रोक्तं श्लोकान्ते मार्जनादिकम् ॥३७॥
ततस्तंत्रोक्तविधिना पुरश्चर्यादिकं चरेत् ।
कवचं कवचरूपं स्यात् स्तोत्रं सहचरो भवेत् ॥३८॥
सहस्रनामस्तोत्रं तु सेनास्थाने प्रकीर्तितम् ।
पूजा दुर्गस्वरूपः स्यात् बलिदानं तु मारणम् ॥३९॥
मन्त्रो राजपुरश्चर्या राजसम्पत्तिरीरिता ।
सम्पत्त्या तु विना राजा न शोभते महेश्वरि ॥४०॥
सम्पत्तिमूलमेतद्धि सर्वमेव प्रकीर्तितम् ।
होमोsग्न्यस्त्रमिति प्रोक्तं पर्जन्यास्त्रं तु तर्पणम् ॥४१॥
जले दुर्वस्वरूपं च त्वभिषेकः प्रकीर्तितः ।
ब्राह्मणानां भोजनं तु दुष्टसैन्यप्रभक्षणम् ॥४२॥
देवतागुरुविद्यैक्यं त्वात्मैक्यं परिभाव्य च ।
सर्वसिद्धीश्वरो भूत्वा त्रैलोक्याधिपतिर्भवेत् ॥४३॥
यथा च राजराज्यादौ शत्रुसैन्यभयं भवेत् ।
सिद्धिराज्यं महादेवि तथवं परिकीर्तितम् ॥४४॥
दुर्गाद्यस्त्रादिकं देवि देवराज्ये यथा मतम् ।
तथैव सिद्धिराज्यस्य पुरश्चर्यादिकं मतम् ॥४५॥
मन्त्रो राजा गुरुर्मन्त्री गणेशो द्वारपालकः ।
साधना शवमुण्डस्य सिंहासनमितीरितम् ॥४६॥
साधकेन तथा कार्यं येन सर्वं सुसिध्यति ।
नैमित्तिकं च काम्यं च हयद्विरदिनौ मतौ ॥४७॥
होमधूमः पताका स्यात् तन्त्रस्तु सिद्धिभूमिका ।
सिद्धिराज्याधिपे देवि किं न सिध्यति भूतलें ॥४८॥
षोढान्यासादिक सेना देवताराज्यदायिका ।
यन्त्रं तु वज्रदुर्गं तु बीजयंत्रं त्वभेद्यकम् ।
कवचादिपुरश्चर्या प्रोक्ता किं श्रोतमिच्छसि ॥४९॥

इति श्रीशक्तिसङ्गममहातन्त्रराजे उत्तरभागे द्वितीयखण्डे श्रीमदक्षोभ्यतारासंवादे कवचादिपुरश्चर्या नामैकादशः पटलः ॥

Translation - भाषांतर
N/A

References : N/A
Last Updated : 2016-11-11T12:48:35.2630000

Comments | अभिप्राय

Comments written here will be public after appropriate moderation.
Like us on Facebook to send us a private message.

लोकांची प्रीति, हीच राजाची संपत्ति

  • ज्या लोकावर राज्य करायचें, ते लोक जर खूष नसतील, तर राज्यांत अनेक चळवळी, दंगेधोपे माजून सारीच बेबंदशाही उद्भवण्याचा संभव फार. पण तेच लोक जर खूष असतील, लोकांची प्रीति जर राजावर असेल, तर राज्य शासन सुरळीत चालेल, आणि राज्यशासन सुरळीत चालणें म्हणजेच संपत्ति समृद्ध करण्यासारखें आहे. 
RANDOM WORD

Did you know?

अशुभ कार्य करून आल्यावर, घरात प्रवेश करण्यापूर्वी पाय कां धुवावेत?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.