पद्यानि १

वातनंदनमनःशान्तिकरचरणाजलजात कुशतात कारुण्यसिंधो !
शातकुंभाभपट पातकापह धरणिजातपःफल दीनलोकबंधो ! ॥१॥
राम राजीवदलनयन रघुवीर रविवंशभूषणरत्न रावणारे !  - ध्रुव० ॥
चापनिगमांतग सदापदपहाररत तापसाराध्यपद पुण्यमूर्ते !
क्ष्मापवर कुसुरवनितापवादाघसंतापभंजन भुवनगीतकीर्ते ! राम० ॥२॥
रक्षसामंतचतुर क्षमापालनपर क्षपानाथजितवदनकांते !
रक्ष रामजमुदार क्षमादिगुणनिकरक्षय स्मृतिरस्तु मयि त वांते ! राम० ॥३॥