वैभव जोशी - मज आयुष्याचा माझ्या कळलेल...

मज आयुष्याचा माझ्या कळलेला आशय नाही
जगतो हा तर्कच आहे, आलेला प्रत्यय नाही

आभास कुणा परक्याचा प्रतिबिंब होउनी भेटे
हा कोण म्हणावे माझा ? तिसकासा परिचय नाही

ही कमाल झाली आता माणुसधाणा होण्याची
माझ्या हृदयात मलाही उरलेला आश्रय नाही

विरहाची वर्षे सरली, ते मीलन दूर न आता
मृत्यूला खात्री अहे, मजलाही संशय नाही

एका जन्माच्या पाठी दुसर्‍या जन्माची धास्ती
असणेही नश्वर येथे, नसणेही अक्षय नाही