TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

मंदार मंजिरी - गुलाबाच्या फुलांचे भाषण.

भिन्न भिन्न वेळी भिन्न भिन्न मासिकात छापलेली अशी कांही आणि आजपर्यंत मुळींच कोठेहीं न छापलेली कवी विद्याधर वामन भिडे यांची कांही निवडक काव्ये.


वृत्त आर्या
फिरतां मी उद्यानी पडला संवाद माझिया कानीं ।
तो कळवितो जनातें जाणुनि होईल बोधद तयातें ॥१॥
बघुनि गुलाबा त्यातें धिक्कारुनी बोलला नर वचातें ।
“ तूं कुसुमजातिलांच्छ्न, तव दुष्टत्वे विषण्ण होइ मन ॥२॥
तुज पाहूनि गुलाबा येतो अतिशयित कोप मजला बा ।
न दिसेल फुला तुजसम कोणी कोठेहि दृष्ट वा अधम ॥३॥
जनसुख भंगुनि तुजला होतो आनंद फार फार खला ।
रुपें मोहविसि परी जाउं न इच्छिसि कुणाचियाहि करीं ॥४॥
तुज तोडूं सरसावे जो रुप तुझें बघेन या भावें ।
कंटक बोचून तया पावसि आनंद रे सुमा अदया ॥५॥
घ्यावा तव वास तुला जर कोणीं तोडिलें जपून फुला ।
तर पाकळ्या भराभर गाळिसि कुसुमा समस्त भूमिवर ॥६॥
ही दृष्टता कितितरी? येईल कुणासही तुझी न सरी ।
तव वसति योग्य रानीं, योग्य न तूं यावयास उद्यानी” ॥७॥
हें वचन त्या नराचें परिसुनि सुम बोललें गुलाबाचें ।
“सजलास कसा द्याया दोष मला जो वसे तुझ्या ठाया ॥८॥
अधम खुशाल मला म्हण, परि सौजन्य न तुम्हा नरांत कण ।
नर दिसति अधम मातें, गणितो मी अदय सर्वहि नरातें ॥९॥
स्वसुखास्तव नर तोडिति कुसुमें, त्यांच्या न लक्ष्य देत्ति हित्तीं ।
सुंदर असतां हातीं धरुनि सकौतुक सुमें नर पहाती ॥१०॥
तद्गंधहि नर घेती परि सुकतां स्थान अवकरी देती ।
जों वस्तु सुखद तोंवर आदर, मग तुच्छ लेखितात नर” ॥११॥
“सुमोक्ति” नाम हें काव्य रची वामननंदन ।
अन्योक्तिरूप बोधें तें जनांचे तोषवो मन ॥१२॥

Translation - भाषांतर
N/A

References : N/A
Last Updated : 2016-11-11T12:53:06.2970000

Comments | अभिप्राय

Comments written here will be public after appropriate moderation.
Like us on Facebook to send us a private message.

embryonic stage

  • गर्भावस्था 
RANDOM WORD

Did you know?

एखाद्या वास्तुला वास्तुशास्त्रानुसार कोणतेच उपाय नसल्यास, मग कांहीे उपाय आहे काय?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site