अपराध स्तोत्र

अपराध स्तोत्र (संस्कृत)

अहं शैशवे क्रीडनासक्तचेता गृहीतं न ते जातुचिन्नाथ नाम ॥
क्षमस्वापराधं क्षमस्वापराधं क्षमखापराधं रघूत्तंसराम ॥१॥
अहं यौवने कामिनीकृष्टचेता गृहीतं न ते जातुचिन्नाथनाम ॥ क्षमस्वापराधं० ॥२॥
मया नर्तिता लोकनिंदासु जिव्हा गृहीतं न ते जातुचिन्नाथ नाम ॥ क्षम० ॥३॥
कृता: कौतुकाद्भूरिशो ग्राम्यगाथा: श्रुतंनैव ते नीरदश्याम नाम ॥
क्षमस्वापराधं क्षमस्वापराधं क्षमस्वापराधं रघूत्तंसराम ॥४॥

॥ इति श्रीमद्रामापराधं स्तोत्रं ॥ (अपराध क्षमापन स्तोत्रं संपूर्ण.)