मराठी मुख्य सूची|मराठी साहित्य|अनुवादीत साहित्य|मेघदूत|उत्तरमेघ| श्लोक ६१ ते ६५ उत्तरमेघ श्लोक १ ते ५ श्लोक ६ ते १० श्लोक ११ ते १५ श्लोक १६ ते २० श्लोक २१ ते २५ श्लोक २६ ते ३० श्लोक ३१ ते ३५ श्लोक ३६ ते ४० श्लोक ४१ ते ४५ श्लोक ४६ ते ५० श्लोक ५१ ते ५५ श्लोक ५६ ते ६० श्लोक ६१ ते ६५ श्लोक ६६ ते ७० श्लोक ७१ ते ७५ श्लोक ७६ ते ८० श्लोक ८१ ते ८५ श्लोक ८६ ते ९० श्लोक ९१ ते ९५ श्लोक ९६ ते १०० श्लोक १०१ ते १०४ उत्तरमेघ - श्लोक ६१ ते ६५ महाकवी कालिदास यांच्या मेघदूत काव्याचे मराठी समवृत्त व समश्लोकी भाषांतर. Tags : meghadoottranslationभाषांतरमराठीमेघदूत श्लोक ६१ ते ६५ Translation - भाषांतर (६१) ठेवी माझ्यावरि तव सखी प्रेम अत्यंत तेणें ।कल्पीं तीची प्रथमविरहें ही अवस्था मनानें ॥मिथ्या मातें वदवि नच हें, फोल सौभाग्यगर्व ।थोडया कालें तुज कथियलें देखसी तेंच सर्व ॥(६२) होतां केशावृत, नच जया फेंकितां ये कटाक्ष ।गेला तैसा विसरुनि, सुरा सूटतां, भ्रूविलास ॥जातांची तूं जवळि, मुकला काजळा, नेत्र डावा ।मीनोत्थानें कमलदलसा पापणीनें स्फुरावा ॥(६३) आतांशा जी ममनखकृतां प्रेमचिन्हां वरी न ।मोत्यांच्याही चिरपरिचितें जालकें जी विहीन ॥संभोगांतीं हळु हळु करें, नित्य जी मी चुरावी ।डावी मांडी; तशिच, कदलीस्तंभगौरा, स्फुरावी ॥(६४) तैशा कालीं, जलधर ! जरी ती सुखें झोंप घेई ।तेथें तीची प्रहरभर तूं मूकसा वाट पाही ॥स्वप्नीं तेव्हां दयित तिज मी लाधलों जों सुदैवें ।गाढाश्लेषांतुनं नच तिनें तत्क्षणीं वेगळावें ॥(६५) तीतें जागी करुनि पवनें, शीतशा स्वांबु - जालीं ।होतां ताजी, विकसित कळीं जाइची कीं जहाली ॥जीची, विद्युत्सख ! बससि तूं त्या गवाक्षीं खिळेल ।द्दष्टी, तीतें, चतुर ! सुगिरा गर्जुनी हीच बोल ॥ N/A References : N/A Last Updated : November 11, 2016 Comments | अभिप्राय Comments written here will be public after appropriate moderation. Like us on Facebook to send us a private message. TOP