श्रीगणेशाय नम : ॥ श्रीसरस्वत्यै नम : ॥ श्रीगुरुभ्यो नम : ॥
हर्षें रोमांच , उठताति ॥ अष्ट सत्वभाव , प्रगटताति ॥
पावे साम्राज्य , संपत्ति ॥ रंकाचा होई , राव जैसा ॥१॥
चित्तचैतन्यीतें , हारणे ॥ राहिजे तें शुद्ध , ज्ञप्तिरूपें ॥
अखंडीत तें , आपोआपे । ब्रम्हानंदीं , पावतसे ॥२॥
तया सुखाच्या , उत्तम रसा ॥ कोणीन लावी , कसोटी कसा ॥
गोडीस्वादें , आनंद तैसा ॥ केवळचि , अनुभवी जाणती ॥३॥
अमृत चाखी , अपुल्या चवीं , ॥ अवर्णनातें अनुभवी ॥
तेथें , कोणीच , साधू , नाठवी ॥ नासक्या , सडक्या , प्रपंचाशीं ॥४॥
बोलता स्वानं , दाचा धर्म ॥ आठवे सौख्य , परिपूर्ण ॥
तेणेंकरोनी , ज्ञाता सुजाण ॥ ब्रम्हीं गर्क , होतसे ॥५॥
अहंता स्वरूपीं , सहज गळें ॥ विषयतृष्णा , समूळ टळे ॥
इंद्रियाचें , सर्वही लळे ॥ सहजासहजीं , नष्ट होती ॥६॥
महासुखाचें , आगरीं ॥ भोगिते , अनुभवी , सुंदरी ॥
तैसे केवळ , ज्ञानेकरोनी ॥ संत आनंदीं , सदोदित ॥७॥
निरसतां , सर्वही नेणिव ॥ स्वरूपीं समरसें , जाणिव ॥
मग एकछत्री , केवळ राणिव ॥ होते तैसें योगियाशीं ॥८॥
सदा स्वानंदित , सोहळे ॥ विजातीय विषयीं , मन वितळे ॥
आत्मसौख्याच्या , ची मेळे ॥ इंद्रियतृप्ती , आपोआप ॥९॥
परम सौख्या , चिया बळें ॥ एकही स्फूर्ति , नचि स्फुरे ॥
कर्मे सर्व जातींचीं , विसरे ॥ एकाएकीं , निमिष्यांत ॥१०॥
करोनि यज्ञाचीं , बहु कोडीं ॥ उभारती ते स्वर्गीं गुढी ॥
तें वैभवसौख्य , करावे कुर्वंडी ॥ ब्रम्हासौख्या , वरोनियां ॥११॥
आनंद , आनंदाशीं , घोटी ॥ एरापरेशीं , सहज लोटी ॥
त्याहून पलीकडे घाली मिठी ॥ गळा पडे , परब्रम्हीं ॥१२॥
मुक्यानें स्वानुभवीच्या , गोष्टी ॥ करू म्हटलें , तरी कष्टी ॥
सांगोसांगी , न होय तुष्टी ॥ अनुभवाविणें , व्यर्थच कीं ॥१३॥
हुताशनी , होते वटवट ॥ बालकें बिभत्सें , कटकट ॥
करिती , परंतु नुसती चावट ॥ नानुभवीं तीं , सर्वथा ॥१४॥
सुखदु : खाचा , अनुभव । साखर गोडी , ची ही चव ॥
अनुभव न देतां , सर्व वैभव ॥ देतां येते , सहजपणें ॥१५॥
दोघे अनुभवी , जाणती ॥ खुणामुद्रांनीं , समजती ॥
त्वरित परिक्षा , करिताती ॥ त्यांना खोटें , नसेंच कीं ॥१६॥
ब्रम्हाज्ञानाची , नावडी ॥ ते वाहती संसारीं कावडी ॥
तशा मूढा , काय गोडी ॥ लागाव ती , कवण्यापरी ॥१७॥
ब्रम्हासौख्यातें , अनुभवणें । व्यर्थ होते , तेम अनुवादणें ॥
जो अनुभवील , तोचि जाणे ॥ अन्यमूढ , वृथापरी ॥१८॥
ब्रम्हाप्राप्तर्थीं , झटझटावें ॥ सद्गुरुशीं शरण जावें ॥
कृपा संपादुनी , भावें ॥ परम अर्थ , साधावा ॥१९॥
ब्रम्हानंदाचें आगर ॥ अनुभवा , पूर्वीं जो पामर ॥
ज्ञानाबले , होतो जो अमर ॥ ब्रम्हीं ब्रम्हा , होवोनिया ॥
इति श्रीपरमामृते मुकुंदराजविरचिते स्वानुभवसौख्यवर्णनं नाम द्वादशं प्रकरणं संपूर्णम् ॥ श्रीब्रम्हार्पणमस्तु ॥