कव्यष्टकम् - चतु:षष्टिकोटयाख्यविद्याप्...

चतु:षष्टिकोटयाख्यविद्याप्रदं त्वां सुराचार्यविद्याप्रदानापदानम् ॥
कठाऽभीष्टविद्यार्पकं दन्तयुग्मं कविं बुद्धिनाथं कवीनां नमामि ॥१॥
स्वनाथं प्रधानं महाविध्ननाथं निजेच्छाविसृष्टाण्डवृन्देशनाथम् ॥
प्रभुं दक्षिणास्यस्य विद्याप्रदं त्वां कविं बुद्धिनाथं कवीनां नमामि ॥२॥
विभो व्यासशिष्यादिविद्याविशिष्टप्रियानेकविद्याप्रदातारमाधम् ॥
महाशाक्तदीक्षागुरो: श्रेष्ठदं त्वां कविं बुद्धिनाथं कवीनां नमामि ॥३॥
विधात्रे त्रयीमुख्यवेदांश्च योगं महाविष्णवे चागमान् शड्कराय ॥
दिशं तं च सूर्याच विद्यारहस्यं कविं बुद्धिनाथं कवीनां नमामि ॥४॥
महाबुद्धिपुत्राय चैकं पुराणं दिश्म तं गजास्यस्य माहात्म्ययुक्तम् ॥
निजज्ञानशक्त्या समेतं पुराणं कविं वुद्धिनाथं कवीनां नमामि ॥५॥
त्रयीशीर्षसारं रुचानेकमारं रमाबुद्धिदारं परं ब्रह्मपारम् ॥
सुरस्तोमकायं गणौद्याधिनाथम् कविं बुद्धिनाथं कवीनां नमामि ॥६॥
चिदानन्दरूपं मुनिध्येयरूपं गुणातीतमीशं सुरेशं गणेशम् ॥
धरानन्दलोकादिवासप्रियं त्वां कविं बुद्धिनाथं कवीनां नमामि ॥७॥
अनेकतारं सुरक्ताब्जहारं परं निर्गुणं विश्वसद्‍ब्रह्मरूपम् ॥
महावाक्यसन्दोहतात्पर्यमूर्तिं कविं बुद्धिनाथं कवीनां नमामि ॥८॥
इदं ये तु कव्यष्टकं भक्तियुक्तास्त्रिसन्ध्यं पठन्ते गजास्यं स्मरन्त: ॥
कवित्वं सुवाक्यार्थमत्यद्भुतं ते लभन्ते प्रसादाद्‍गणेशस्य मुवितम् ॥९॥
इति श्रीब्रह्मपुराणे बाल्मीकिकृतं कव्यष्टकं
नाम गणेशस्तोत्रं सम्पूर्णम् ॥