TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|नाट्यसंगीत|
संगीत सुवर्णतुला

संगीत सुवर्णतुला

मराठी संगीत नाटक ही मराठी रंगभूमीला रामप्रहरी पडलेले एक सुखद स्वप्न होय.


प्रस्तुत नाटकाचे नाटककार आहेत - विद्याधर गोखले
(१०-१०-१९६०). संगीत : छोटा गंधर्व


उजळित जग मंगलमय अरुणबिंब आलें
सोनेरी किरणांनी भू-मंडळ न्हालें ॥धृ०॥
देव हा प्रकाशमान
त्यास देति मुनिहि मान
अर्घ्यदान मंत्रगान करुनि शांत झाले ॥
नलिनी-दल- आलिंगन
त्यजुनि भृंग करि गुंजन
कुंज कुंज मोहरले वन-विहंग बोले ॥
रविराया पूजाया
काय फुलें होउनियां
गगनीचे तारांगण धरणीवर आले ? ॥


पारिजात फुलला । अंगणीं पारिजात फुलला
बहर तयाला काय माझिया प्रीतीचा आला ॥धृ०॥
धुंद मधुर हा गंध पसरला
गमलें मजला मुकुंद हंसला
सहवासातुर मदिय मनाचा कणकण मोहरला ॥


रागिणी-मुखचंद्रमा
उजळिं ह्रदयीं पूर्णिमा ॥
कोपतां खुलतो कसा
वदन-शशिचा लालिमा ॥
रूप बघुनी लज्जिता
होति पूर्वा-पश्चिमा ॥


येतिल कधिं यदुवीर-सखये ।
मानस होत अधीर ॥धृ०॥
कटु वदलें मी, रुसवा केला
म्हणुनि जिवाचा जिवलग गेला
सोडूनि हें मंदिर ॥
विरहाचा वैशाख तापला
शांत सुशीतल चंद्र लोपला
कोठें धीर समीर ? ॥


तुजला वंचियलें श्रीहरिनें ।
कपट तयाचें नाहि उमगलें ॥धृ०॥
लटकी माया, प्रेमहि लटकें ।
साच तुला गे मृगजळ गमलें ।


रतिहुन सुंदर मदन-मंजिरी ! मदनाचें वरदान तुला ॥धृ०॥
ललित कोमला तव सुंदरता लाजविते मंदार-फुला
बघुनि तुला गगनांत खंगते कलेकलेनें चंद्रकला
कळे न मजला, वृथा फुलाचा, नाद कशाला हवा तुला ॥


गगनमणि सूर्य हा
रजनीपति चंद्र तो
एक निमिषांतरी
सहज तो निर्मितो ॥
तोचि विश्वंभर । विश्वाचा आधार
करि दैन्य दूर । नारायण
देव नारायण । दयेचा सागर
होतसे साकार । भक्तांसाठी ॥
देतसे भक्तिला । मुक्तीचा सोहळा
भावाचा भुकेला । भगवंत ॥


फुलला मनीं वसंत बहार ।
मुनिवर्याच्या कृपाप्रसादे नुरला चिंताभार ॥धृ०॥
उदासवाणा शिशिर संपला
वासंतिक मधुगंध पसरला
धुंद निनादे चैतन्याचा मनिं पंचम झंकार ।

१०
नारायण । नारायण । नाम तुझे अति पावन ॥धृ०॥
कमलापती कमल नयन । भयहारण-भवतारण-नारायण ।
तूं धरणी तूंच गगन । तूंच आप तेज पवन ।
तूं स्थिति-लय, रजनी-दिन ।
तूच कार्य तू कारण - नारायण ।

११
धीर धर भामिनी । ठेव श्रद्धा मनीं ॥धृ०॥
सत्वरी भेटेल श्रीरंग यदुमणि
सफल मन कामना करिल गुण-शालिनी
प्रकट होईल गे सौख्य मंदाकिनी ॥

Translation - भाषांतर
N/A

References : N/A
Last Updated : 2016-11-11T12:53:02.8900000

Comments | अभिप्राय

Comments written here will be public after appropriate moderation.
Like us on Facebook to send us a private message.

Boundary Mark Clerk

  • सीमाचिन्ह लिपिक 
RANDOM WORD

Did you know?

सोळा मासिक श्राद्धें कोणती ?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.