TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

स्फुट श्लोक - अंजनीसुत

समर्थ रामदास स्वामींचा जन्म औरंगाबाद जिल्ह्यात सन १६०८, शके १५३० रोजी झाला.  


अंजनीसुत
अंजनीसुत प्रचंड । वज्रपुछ कालदंड । शक्ती पाहातां वितंद । दैत्य मारिले उदंड ॥१॥
धग्गधगीतसी कळा । वितंड शक्ति चंचळा । चळ्ळचळीतसी लिळा । प्रचंड भीम आगळा ॥२॥
उदंड वाढला असे । विराट धाकुटा दिसे । तजूनि सुन्य मंडळा । नभांत पिंड आगळा ॥३॥
लुळीत बाळकी लिळा । गिळील सूर्यमंडळा । बहुत पोळत क्षणीं । थुंकिला ततक्षणीं ॥४॥
धगधगीत ब्बुबळे । प्रतक्ष सूर्यमंडळें । कराळ काळ मुख तें । रिपुकुळांसि दुख तें ॥५॥
रुपें कपी आचाट हा । करील आट घाट हा । सुवर्णकट्ट कास तो । फिरे उदास दास तो ॥६॥
झळक झक दामिणी । वितंड काळ कामाणी । तयापरी झळझळी । लुळितं रोमजावळी ॥७॥
समस्त प्राणनाथ रे । करी जना सनाथ रे । अतुळ तुळणा नसे । अतुळ शक्ति वीलसे ॥८॥
रुपें रसाळ बाळकु । समस्त चीत्तचाळकु । कपी परंतु ईश्वरु । विशेष लाधला वरु ॥९॥
स्वरुद्र क्षोभल्यावरी । तयास कोण सांवरी । गुणागळा परोपरीं । सतेज रूप ईश्वरी ॥१०॥
समर्थदास हा भला । कपीकुळांत शोभला । सुरारिकाळ क्षोभला । त्रिकूट जिंकिला भला॥११॥

चुके बहू घडी घडी । असी कसी महंतडी । प्रसंग मान जातसे । मयूरनृत्य होतसे ॥१॥

॥ स्फुट श्लोक संपूर्ण ॥ श्लोकसंख्या ॥ ७०० ॥

Translation - भाषांतर
N/A

References : N/A
Last Updated : 2014-04-02T06:18:28.6400000

Comments | अभिप्राय

Comments written here will be public after appropriate moderation.
Like us on Facebook to send us a private message.

hypodermoclysis

  • अधस्त्वचा पिचकारी, अंतःक्षेपण पिचकारी 
RANDOM WORD

Did you know?

दीप किंवा दिवा लावण्याचे कांही शास्त्र आहे काय?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.