TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|श्री रामदासस्वामींचे साहित्य|पंचीकरण|
अभंग ९६ ते १००

पंचीकरण - अभंग ९६ ते १००

समर्थ रामदास स्वामींचा जन्म औरंगाबाद जिल्ह्यात सन १६०८, शके १५३० रोजी झाला.  


अभंग ९६ ते १००
॥९६॥
भावनेचा देव भावार्थे भाविला ।
देवभक्त झाला भावनेचा ॥१॥
भावनेचा देव भावनेचा भक्त ।
भावनेनें मुक्त भावीतसे ॥२॥
भावीतसे मन त्याहूनि तें भिन्न ।
दास म्हणे ज्ञान ओळखावें ॥३॥
॥९७॥
माझा स्वामी असे संकल्पापरता ।
शब्दीं काय आताम स्तुति करू ॥१॥
स्तुति करूं जातां अंतरला दुरी ।
मीतूंपणा उरी उरों नेदी ॥२॥
उरो नेदी उरी स्वामिसेवापण ।
एकाकीं आपण काय केलें ॥३॥
केलें संघटण कापुर अग्रीसी ।
जैसी भिन्नत्वासी उरी नाहीं ॥४॥
तैसा नाहीं उरी रामीं रामदासा ।
स्वयें होय ऐसा तोचि धन्य ॥५॥
॥९८॥
प्रवृत्ति सासुरें निवृत्ति माहेर ।
तेथें निरंतर मन माझें ॥१॥
माझें मनीं सदा माहेर तुटेना ।
सासुर सुटेना काय करूं ॥२॥
काय करूं मज लागला लौकिक ।
तेणें हा विवेक दुरी जाय ॥३॥
दुरी जाय हित मजचि देखतां ।
प्रयत्न करूं जातां होत नाहीं ॥४॥
होत नाहीं यत्न संतसंगाविण ।
रामदासीं खूण सांगतसे ॥५॥
॥९९॥
अर्थाविणें पाठ कासया करावें ।
व्यर्थचि मरावें घोकोनियां ॥१॥
घोकोनियां काय वेगीं अर्थ पाहे ।
अर्थरूप राहें देखोनियां ॥२॥
देखोनियां अर्थ सार्थक करावें ।
रामदास भावें सांगतसे ॥३॥
॥१००॥
वस्तूचा निर्धार होय अपरंपार ।
साधनाचें सार निरूपण ॥१॥
निरूपणा ऐसें सार नाहीं दुजें ।
जेणें सर्व बीजें हाता येती ॥२॥
हाता येती बीजें ज्ञानाचीं सहजें ।
नि:संदेह भोजें नाचतसे ॥३॥
नाचतसे सदा विवेक अंतरीं ।
मायामोहपूरीं बूडों नेदी ॥४॥
वुडों नेदी कदाकाळीं निरूपण ।
रामदासीं खूण संतसंगें ॥५॥

Translation - भाषांतर
N/A

References : N/A
Last Updated : 2014-03-31T02:02:10.8770000

Comments | अभिप्राय

Comments written here will be public after appropriate moderation.
Like us on Facebook to send us a private message.

knowledge classification

  • ज्ञानात्मक वर्गीकरण 
  • (also called philosophical classification) 
RANDOM WORD

Did you know?

जननशांतीचे महत्व स्पष्ट करा ?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site