प्रातः स्मरणम् - श्रीसूर्यप्रातः स्मरणम्

प्रातः स्मरामि खलु तत्सवितुर्वरेण्यं रुपं हि मण्डलमृचोऽथतनुर्यजूंषि । सामानि यस्य किरणाः प्रभवादिहेतुं ब्रह्माहरात्मकमलक्ष्यमचिन्त्यरुपम् १। प्रातर्नमामि तरणिं तनुवाड्मनोभिर्ब्रह्मेन्द्रपूर्वकसुरैर्नुतमर्चितं च । वृष्टिप्रमोचनविनिग्रहहेतुभूतं त्रैलोक्यपालनपरं त्रिगुणात्मकं च २। प्रातर्भजामि सवितारमन्तशक्तिं पापौघशत्रुभयरोगहरं परं च । तं सर्वलोककलनात्मककालमूर्तिं गोकण्ठबन्धनविमोचनमादिदेवम् ३। श्लोकत्रयमिदं भानोः प्रातः प्रातः पठेत्तु यः । स सर्वव्याधिनिर्मुक्तः परमं सुखमाप्नुयात् ४॥ इति ॥