अक्षरांची लेणी - फुगडी गाणे

शिणला जीव मव्हा शिण शिणकरी ।
तान्हां घेते मांडीवर शिण गेला वरच्यावरी ॥
पाय पाय घसरी वाण्याची वसरी ।
वानी गेला मोळीले । तीन टिकल्या चोळीले ॥
येथे ‘स’ व ‘ल’ घी पुनरावृत्ती झाली आहे.
पाणी घालू घालू तुळशीला आले फुलं ।
तुळशीचं नाव पतिव्रता ठुलं ॥
भाळयाच्या मळयात माळी दादाचं लेकरू ।
पिकलं अंजीर झडा घालते पाखरु ॥
उगवले नारायणे उगवले लाल लाल ।
याहीनं पांधरली शालं ॥
दिवस माळवला दिवा लाव देवळीत ।
बांधवाचे मह्या नंदी आले गव्हानीत ॥

फुगडी गीत
एक हाताची फुगडी । मामा घेतो लुगडी ॥
लुगडीचा दोरा । आमचा मामा गोरा ॥
आमची मामी काळी । करवंदाची जाळी ॥
शेवंती गेली बोराले । तीन खाल्ले बोरं ॥
तिले झाले पोरं । एक पोरगं मेलं । गाडीत टाकून नेलं ॥
गाडी वाजे खुळूखुळू । शेवंती रडे मुळूमुळू ॥